Hauptmenü öffnen
Woaterswiene
Two Meene Woaterswiene (Hydrochoerus hydrochaeris)
Two Meene Woaterswiene (Hydrochoerus hydrochaeris)
Systematik
Oardenge: Gnauedierte (Rodentia)
Unneroardenge: Stiekelswien-Sibskup (Hystricomorpha)
Deeloardenge: Hystricognathi
(Sunner Stappe) Meerswien-Sibskup (Caviomorpha)
Familie: Meerswiene (Caviidae)
Unnerfamilie: Hydrochoerinae
Sleek: Woaterswiene (Hydrochoerus)
Beskrieuwen fon BRISSON, 1762

Do Woaterswiene of Capybaras (Hydrochoerus) sunt aan Sleek fon do Gnauedierte (dt. Nagetiere) in ju Foamielje fon do Meerswiene (Caviidae). Die Sleek bestoant uut two Oarde, dät Meene Woaterswien (Hydrochoerus hydrochaeris) un dät Panama-Woaterswien (Hydrochoerus isthmius). Woaterswiene sunt do grootste lieuwjende Gnauedierte. Do Oarde bewoonje fuchtige Rebätte in Suud- un Middel-Amerikoa un sunt oun een semiaquatiske (deelwiese in't Woater befiendelke) Lieuwendswiese ounpaased.

Wier jo foarkuumeBearbeiten

 
Rood: Panama-Woaterswien
gräin:Meen Woaterswien

Dät Panama-Woaterswien is in't aastelke Panama, dät noudelke Kolumbien un dät noudwäästelke Venezuela tou fienden. Dät Meene Woaterswien häd een fuul gratter Rebät, dät uumfoatet bienaist heel Suud-Amerikoa aastelk fon do Anden: Fon't aastelke Kolumbien, Venezuela, Guyana, Suriname, Frantsöösk-Guayana uur Ecuador, Peru, Brasilien, Bolivien un Paraguay bit ätter Uruguay un in't noudaastelke Argentinien.