Venezuela

República Bolivariana de Venezuela Flaage Woapen Woalspruch: Nationoalhymne: Gloria al bravo pueblo Amtssproake Spoansk Haudstääd Caracas Stoatsfoarm Buundesrepublik Gebiet Fläche % Woater 912.050 km² 0,3­% Ienwoonere (2022) 29.789.730 Munte Venezoloansken Bolívar (VEB) Tiedzone UTC -4 Fierdai 5 july Loundkode VEN TLD .ve Telefonfoarwoal 58

Venezuela is n Lound in't Noude fon Suud-Amerikoa. Ju Haudstääd is Caracas.

Geografie

Venezuela lait oun ju Atlantik-Kuste fon dät noudelke Suudamerikoa. Sien Noaberlounde sunt in dät Aaste Guyana, in dät Suude Brasilien un in dät Wääste Kolumbien.

Loundskuppe

Venezuela lät sik in fjauer unnerskeedelke Loundskuppe iendeele:

In dät Noudwääste fon dät Lound lait dät Maracaibo-Jooplound. Dät is een Ieuwene, ju in dät Wääste, Aaste un Suude fon Bierichlound uumeroat is, bloot in dät Noude gungt ju bit ätter ju See. Midde in't Maracaibo-Jooplound lait die Maracaibo-See. Man dät is naan wuddelken See, hie häd näämelk ne smälle Ferbiendenge ätter dän Atlantik.

Suudaastelk sluute sik oun dät Maracaibo-Jooplound do Anden oun. In do Anden is uk die hoochste Bierich fon Venezuela, die Pico Bolívar (4978 m).

Ap ju suud-aastelke Kaante fon do Anden lait ju Orinoko-Ieuwene mäd Gäärslound un Sumpe. Oun't Suudelke Eende fon ju Ieuwene fljut ju Äi Orinoko.

Suudelk fon dän Orinoko lait dät Hochlound fon Guayana.