Meen Woaterswien
| Meen Woaterswien | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
.jpg) Meene Woaterswiene (Hydrochoerus hydrochaeris) | ||||||||||||||||||
| Systematik | ||||||||||||||||||
|
Dät Meene Woaterswien of Meene Capybara (Hydrochoerus hydrochaeris) is een Oard fon do Gnauedierte. Dät Meene Woaterswien is in een groot Rebät fon Suud-Amerikoa aastelk fon do Anden tou fienden: Fon't aastelke Kolumbien, Venezuela, Guyana, Suriname, Frantsöösk-Guayana uur Ecuador, Peru, Brasilien, Bolivien un Paraguay bit ätter Uruguay un in't noudaastelke Argentinien.
Oainhaide
BeoarbaidjeCapybaras sunt jädden in't Woater. Do Swimhäide twiske hiere Toonen hälpe him, sik junner gau tou röögjen. Oore, Oogene un Noose ferloope in een Linje in dän bupperen Kop-Beriek, äänelk as bie Kaimoane. So konnen Capybaras bienaist mäd dän heele Kop unner dän Woaterspeegel swimme un sunt deeruum foar Freetfäinde nit licht tou sjoon. Of do Dierte monnelk of wieuwelk sunt, sjucht me nit licht, uumdät do Geslächtsorgoane binne in dän Lieuw sunt un dät nit fuul Unnerskeede tou sjoon rakt.
Stoatuur un Fäl
Beoarbaidje
Dät Meene Woaterswien is ju grootste Oard fon Gnauediert, ju dät däälich noch rakt. Dät roaket een Kop-Rump-Loangte fon 100 bit 134 cm un een Skullerhööchte fon 50 bit 62 cm, wierbie do wieuwelke Dierte wät gratter wäide as do Montjene. Jo konnen moor as 75 Kilo ap'e Wächte brange, bit tou 91 Kilo sunt bekoand. Ju Bääterfout-Loangte bedrächt 21,8 bit 25,2 cm. Die Lieuw fon do Woaterswiene is massiv baud mäd aan krääftigen Rump un kuute Beene. Do faanderste Beene eendje in fjauer Toonen, do bääterste Beene in tjo. Do Toonen sunt radioal ounoardend. Toonen un Naile sunt houf-äänelk fertjukked un sunt truch litje Swim-Häide ferbuunen. Die Stät is sjuunelk touräächbielded. Dät Fäl is loang un ruuch, man steedenwiese so tän, dät ju Häid truchskient. Sien Faawe variiert fon roodbruun bit gries ap'e Bupperkaante, ju Unnerkaante is jeel-bruun. Wäkke Dierte hääbe swotte Plakken in't Gesicht, oun'e Buutensiede fon do Beene un oun dän Rump. Ju Loangte fon do Hiere lait twiske 30 un 120 mm. Meene Woaterswiene hääbe aan apfaalend breeden un massigen Kop. Ju Snuute is fergratterd un ourunded, in dän Fergliek mäd uur Oarde uut ju Meerswien-Sibskup, jo hääbe litje Noosengoate, do fier uutnuur lääse un do litje Oogene lääse siedelk un wied bääte oun'n Kop. Bie monnelke Dierte is dät Spit fon ju Snuute sunner Hiere un mäd aan apfaalenden Röäk-Käddel fersäin. Jo hääbe litje, runde Oore. As bie masse Dierte, do deelwiese in't Woater lieuwje, sunt Oogene, Oore un Noosengoate gjucht wied buppe oun dän Kop, sodät do Dierte, wan jo omje of Uutkiek hoolde, dän Kop nit tou wied uut dät Woater tille mouten. Fon't Panama-Woaterswien unnerskat sik dät Meene Woaterswien foar'aaln truch sien Grööte, bietou kuume noch wäkke Määrkmoale fon dän Skäädel.
Skäädel un Bunken
Beoarbaidje
| 1 | · | 0 | · | 1 | · | 3 |
Die Skäädel fon't Meene Woaterswien is groot un kompakt. Ju Skäädelloangte lait in'n Truchsleek bie 24,09 cm (dät gungt fon sowät 21 bit sowät 27 cm). Die Skäädel is flak un wan me do Juk-Boogen bekikt, is hie gjucht smääl baud. Do Juk-Boogen sunt krääftich, wierbie dät Jukbeen breed ounlaid is un aan Deel fon ju Lidflakte foar ju Unnerkeeuwe uurnimt
Ju Tuskfoarmel fon do Dierte ludt 1-0-1-3, dät betjudt, in älken Keeuwe-Haaldeel hääbe do Dierte aan Sniedetusk, aan Prämolaor (faandere litjere Käise) un tjo Moloare (bäätere tjukke Käisen), also aaltouhoope 20 Tuske. do wiete Sniedetuske sunt mäd een Loangs-Glieuwe fersäin, jo sunt, as bie aal do Gnauedierte, fergratterd un tou wuttelloose Gnauetuske uumebielded, deerbääte lait een Diastema. Do Käisen sunt uk wuttelloos un komplex baud. Jo bestounde uut haat- of striepelfoarmige Smilt-Prismen, Do truch Loagen fon Tuskzement tränd sunt. Die Moloar M3 is stäärk fergratterd un uurroaget in ju Loangte aal do tjo uur Käisen touhoope.
Wällen
Beoarbaidje- Düssen Artikkel gruundet sik grootstendeels ap ju Düütsksproakige Wikipedia.