Baalenje

Baalenje of Baaljene, düütsk Bollingen, roomelsk Boaljene is ne Buurskup fon Strukelje. Ju lait aastersiede Äi un suud-aastelk fon dän Uutändjer Kanoal. Deer in de Fotje skäl die Fräisenköönich Radbod begreeuwen lääse.

Dät Ferienhusgebied "Sonnenau", 1970er Jiere, Bielde: Bruno Ewen

Noome

Die Noome is oold uurlääwerd as 1359 Boldynck, 1472 Boldinghen. Dät lät sik ärkläärje as an en -ingen-Ouleedenge fon n Persoonenoome Balde fon dän Stam -bald- ‘dapper’. Ju Oard -ingen-Noomen wiesde siet dät 12. Jierhunnert in Aastfräislound ne groote Produktivität ap. In ju Tied kuud mäd dän Noome dan uk ju Buurskup äntsteen weese.

Hanneschite

In Baaljene is n Gestrich, dät hat Hanneschite. Dät wuud dan fröier oafte as Skeldnoome bruukend. Intwiske is bekoant, dät dät n oold Woud is un sofuul betjud as Säärkhoaf. Där wier fröier wail n Germanen-Säärkhoaf.

Geskichte

N Stukje de Seelter Äi häärunner in e Äkke in Baalenje, wier ju Sträite ätter Elisabethfeen un Bäärsel gungt, deer hieden Lassen hiere Hällenge. Do hääbe de Hällenge al uum 1910 aproat.

Bie ju Uutändjer Määlne liech deer uk dät Määlnboot, foar do Kunden uut Baalenje.

Fröier, so uum 1960-1980 wier in Baaljene an ju Ostermoorsträite ne Broodfabriek.

Skoule

Baalenje hiede fröier ne oaine katoolske Skoule. Ju Baalenjer Skoule wuud 1908/09 baud as "Skoule an dän Baaljener Kanoal". Eerste wieren där 42 Sköilere, in dän 2. Waareldkriech wieren dät al 128 Sköilere. Ju Skoule wuud 1937 ap two Klassen un 1965 ap tjo Klassen fergratterd. Ju hoogere Klassen keemen 1966 ätter ju Skoule in Strukelje.

Ju Skoule wuud dän 1.2.1972 sleeten.

Do Koastere an ju Skoule wieren:

Laitenge:

1910 - 1918: Georg Südkamp (Fertreedenge: Grothe, Stuntebeck, Sieveke, Willenborg, Fortmann)
1918 - 1926: August Kallage
1926 - 1936: Julius Seeger
1936 - 1950: Johann Hagen
1950 - 1962: Hermann Tegeler
1962 - 1965: Gerd Schwittek
1965 - 1968: Johannes Kramer
1968 - 1970: Anna Zwinge geb. Genau (Fertreedenge)
1970 - 1972: Cäcilia Schulte (Suding), Fertreedenge

2. un 3. Koaster:

1946: Wilhelmine Cordes
1947: Maria Leppich
1949: Anneliese Hagen
1951: Ursula Geesen
1952: Maria Wienholt
1953: Gisela Schillmöller
1954: Koasterske Fugel
1956: Rita Hohmann
1958: Heinz Wübbolt
1961: Gerd Schwittek
1962: Georg Batke
1962: Anna Zwinge geb. Genau
1965: Cäcilia Schulte

Sonnenau

In do 1970er Jiere wuud dät Ferienhusgebied "Sonnenau" an ju Seelter Äi ieuwenske Strukelje baud.

Bedrieuwe

Arens Rohrleitungsbau
Ferskäidene Hondwierks- un Hondelsbedrieuwe

Bädden in Baalenje

Sixtus Schröer, Buurmäster fon ju Meente Strukelje
Johanna Evers

Sjuch uk

Baalenjer Kanoal
Radbod
Schutsenkameroadskup "Friesenkönig Radbod" in Baalenje-Bieuwelte

Ferbiendengen

Loundnoomen, Siede 39ff.�

Ferwiesengen

Wikisource: Hanneschite hat Säärkhoaf – Wällensammelenge

Wällen

Franz Dwertmann: Das grosse Sterben der kleinen Schulen, Vechtaer Druckerei und Verlag, 1984, ISBN 3-88441-025-3

Täärpe un Buurskuppe in Seelterlound