Wietsound

Wietsound, uk Wietensound af Witsound, düütsk Wittensand, is ne litje Buurskup fon Strukelje. Ju lait wäästersiede Uutände un noudelk fon dän Uutändjer Kanoal. Wäästelk fon Wietsound lait Idafeen, dät heerd däälich tou ju Meente Aastrauderfeen. Noudelk fon Wietsound läit Ubbehusen. Wietsound is in dät Jier 1847 äntsteen.

Ju Weerskup fon Louis Boelsen, uum 1900, ätters wier dät Hüntelmann

Kjus an n Wai uut 1927, där wäd in 2011 n näi Kjus apbaud

Noome

"Fröier hääbe doo Ljude Sound deer wäch fierd un dan is hier witen Sound weesen, dät deertruch di Noome wäil äntsteen is." (Lound un Noomen, Siede 98)

Geskichte

"Aasterside fon ju oolde Schoule liegen doo wite Sounddünen. Doo Utänder brukten al Jierhunnerte fon dän Sound un naamden doo Sounddünen eenfach Sountstich. Bi de Määrkdeelenge 1819/20) wieren doo Dünen al wächfierd. Um 1900 waas ut dät Soundstich n wülde Sumpplakke wuden mäd Woaterwülgene, ferkreepelde Riesene, Rääsken un Suurgäärs. As et ätter dän Kriech neen Lound tou koopjen un tou paachtjen roate, paachteden eenige Witsountjer dät Soundstichlound un moakeden ut dät wülde Lound froai lik Weedelound. Deer bi t Krüs waas t fröier immer utgreeuen weesen." (Lound un Noomen, Siede 98)

Skoule

Die eerste Koaster fon Wietsound wier Josef Dierkes uut Peheim

Wietsound hied fröier ne oaine katoolske Skoule. 1884 wuude ju Schulacht Wittensand gruundet und ju Skoule wuud 1889 baud. 1897/98 wieren där 49 Sköilere, 1946 100 Sköilere in two Klassen. Där wieren uk Sköilere fon Idafeen. Ju Skoule wuude 1956 sleeten un ne naie Skoule baud, ju häd 51.104 DM kostet. Ju Skoule wuud ap n 1.8.1967 sleeten. Die eerste Koaster wier Josef Dierkes uut Peheim fon 1884-1888.

Ju Skoule stound deer däälich noch.

Hier alle Koastere fon ju Skoule:
Laitenge:

1884-1888 Josef Dierkes
1888-1910 August Boschenhenke
1910-1919 Josef Vössing
1919-1919 Koaster Stukenborg (Fertredenge)
1920-1920 Franz Rolfes
1920-1939 Heinrich Röpke-Stadtholte
1945-1954 Martin Pille
1954-1967 Günter Wellbrock

2. Koaster:

1946 - 1946 Koasterske Feichtinger
1948 - 1948 Koaster Pulsfort
1949 - 1949 Änne Wilken
1953 - 1953 Maria Ellmann
1959 - 1959 Koasterske Voss
1960 - 1960 Josef Brackland

Bädden in Wietsound

Ingeborg Remmers, Koasterske foar Seeltersk an ju Litje Skoule Skäddel

Bedrieuwe

Athen Saterland Ei GmbH, produzierje Oaire
Remmers Baubedrieuw

Fereene

Heemat- un Böllerfereen "Widerhall" e.V., ferounstaltet dät jierelkse Skutsfääst

Sjuch uk

Ferbiendenge ätter buten

Heimat- und Böllerverein Wittensand (Noch in Oarbaid)
Wietsound ap GOOGLE-Maps

Wällen

Franz Dwertmann: Das grosse Sterben der kleinen Schulen, Vechtaer Druckerei und Verlag, 1984, ISBN 3-88441-025-3
Georg Pahl: Witsound, (Geskichte fon do Huuse usw. 128 + 22 Sieden), Hsg. Michael Till Heinze, Langholt, 1994.

Täärpe un Buurskuppe in Seelterlound