Baalenjer Kanoal
Dät Baalenjer Kanoal (düütsk: Bollinger Kanal) wuud 1879 greeuwen, dät waas 3023 Meter loang un kostede 74239 RM. Dät waas n Ferbiendengskanoal fon ju Seelter Äi mäd dät Elisabethfeenkanoal. Dät Kanoal lapt aastelk ju Seelter Äi un lapt bie "Dreibrücken" in dät Elisabethfeen-Kanoal. Dät Baalenjer Kanoal waas fröier skipboar, dät ron bie ju Slüüse in ju Seelter Äi oun. Dät waas sun 700 m noudelk fon ju Steede, wier dät Uutändjer Kanoal uut dät Wääste in ju Seelter Äi lapt. Däälich is dät Kanoal nit moor mäd ju Seelter Äi ferbuunen.
Loangs dät Kanoal lapt ju Sträite ätter Elisabethfeen. Ap dät Gebiet fon Baalenje bit tou dät Skeed mäd Elisabethfeen is dät Kanoal däälich oarich tichtwuuksen, dät is nit fuul moor as n breeden Sloot. Diräkt in Elisabethfeen is dät Kanoal mäd sun 10 m noch oarich breed. Deer stoant uk fuul Woater in dät Kanoal un dät häd deer ne Ferbiendenge mäd ju Wieke fon dät Foanmuseum, wier do Skiepe fon dät Museum lääse.