Nyctinomops

Nyctinomops

Ne Oard uut dissen Sleek (Nyctinomops macrotis)

Systematik

Oardenge:	Flädderdierte (Chiroptera)
Unneroardenge:	Fläddermuuse (Microchiroptera)
Familie:	Molossidae
Unnerfamilie:	Molossinae
Sleek:	Nyctinomops
Beskrieuwen fon	MILLER, 1902

Nyctinomops is n Sleek fon do Fläddermuuse. Moonige Wietenskuppere kweede ook, dät waas n Unnersleek fon dän Sleek Tadarida.

Oarde

Dät rakt fjauer Oarde in dissen Sleek:

Nyctinomops aurispinosus (PEALE, 1848) fon do mexikaniske Kusten (Aast un Wääst), in dät Suude ook in dät mexikaniske Inlound, Kolumbien, Peru, Bolivien, Venezuela un Aast-Brasilien. Ook ap Kuba.
Nyctinomops femorosaccus (MERRIAM, 1889) uut do suudwäästelke USA un ook Noud- un Wääst-Mexiko.
Nyctinomops laticaudatus (E. GEOFFROY, 1805) uut dät suudelke un dät aastelke Mexiko bit Noud-Argentinien un Suud-Brasilien.
Nyctinomops macrotis (GRAY, 1840) uut do USA, Noud- un Zentral-Mexiko, groote Deele fon Suudamerikoa, Kuba, Hispaniola, Jamaika, ap maaste noudelke Populatione bit Suudwääst-British Columbia un Iowa, normoal nit so fier ätter dät Noude, ap maaste aastelke Populatione in South Carolina.