Margaretha Grosser

Margaretha (Gretchen of Gräiitje) Grosser (* 20. September 1934 in Roomelse - 20 Juli 2019) waas n pensioniert Büro-Anstoalde, Skrieuwerske un Uursätterske. Ju skreeuw uur persöönelke Geskichten, Dööntjene un Märchen. Hiere Uursättengen wieren foarallen Bäidensbouke.

Grosser mäd hiere Uursättenge fon Die litje Prins

FoarnoomeBearbeiten

Fon hiere Foarnoome rakt et ferskeedene Skrieuwwiesen. Hiere offizielle Gebuursnoome is Margaretha, man do maaste Ljuude kwieden eenfach Gretchen. Ap eenige Bouke stoant die Foarnoome Gräitje, wät ju seelterfräiske Noome weese skuul.

LieuwendBearbeiten

Junge JiereBearbeiten

Grosser wuude ap n 20. September 1934 in Roomelse bädden. 1941 geen ju in ju Gruundskoule, deerätter 8 Jiere Foulksskoule un 2 Jiere in ju Hondelskoule. Ätter hiere Leere as Stenotypisten oarbaidede ju 25 Jiere as Büro-Anstoalde. Uur hiere Juugend häd ju n Masse skreeuwen in hiere Bouke. Uur hiere Baabe skreeuw se ju Kuutskichte Wiehnachten 1945, Roschestwo, uur hiere Määme ju Kuutskichte Skousters Huus un algemeen uur hiere Bäidenstied skreeuw se Paasken in mien Bäidenstied.

 
Gretchen Grosser mäd Gesina Lechte-Siemer (gjuchts).

SkrieuwerskeBearbeiten

Ätter hiere Pensionierenge fäng ju in't Jier 1989 tou skrieuwen. Ju wüül ju seelter Sproake nit bloot mundelk fäärereeke, man uk skriftelk fäästlääse. In disse Tied fäng ju oun mäd seelter Stukke in dän General Anzeiger. In do eerste Jiere as Skrieuwerske honnelje sik dan uum spoasige un iedenste Geböärnisse in dät Deegeslieuwend. Do wuuden maast uut n persöönelken Standpunkt skrieuwen. In disse eerste Jiere, fon 1992 bit 1994, wuude ju Riege Dööntjen un Fertälstere uut Seelterlound publitsiert.

In do njuugentiger Jiere fäng ju uk mäd dät Uursätten fon Bäidensbouke oun. Ju eerste Uursättenge waas Die littje Häwelmon in't Jier 1993. In 2009 un 2010 häd Gretchen do Bäidensbouke Die litje Prins un Tuusterpäiter ätter ap Seelterfräisk uursät. 2013 häd Gretchen Grosser dän Roman Die fljoogende Klassenruum fon Erich Kästner ätter dät Seelterfräiske uursät.

Grosser häd uk Sproakkoppele (mee-)organisiert uum Seeltersk tou leeren. Toun Biespil die Seelterfräiske Kring, Seelter Stamdisk un Kuurse bie Grosser tou Huus. Do Sproakkuurse wieren monkens foar Bäidenene, monkens uk foar Fulwoaksene.

WierkeBearbeiten

 
Margeriten uut min Tuun
 
Tuusterpäiter
  • Dööntjen un Fertälstere uut Seelterlound, Beend 1, Roomelse 1992, 56 Sieden
  • Dööntjen un Fertälstere uut Seelterlound, Beend 2, Roomelse 1993, 60 Sieden
  • Die littje Häwelmon, ätter Theodor Storm, Mäd Bielden fon Elena Panowa, Bäärsel 1993, 23 Sieden
  • Dööntjen un Fertälstere uut Seelterlound, Beend 3, Roomelse 1994, 58 Sieden
  • Sienke Koodiegel fertäld. Mäd Bielden fon Ulli Bohmann, 1994, 24 Sieden
  • Wie sjunge Seelterfräisk, Seelter Läidertexte, Mildaam 1998, 64 Sieden
  • Robin Hood, fon John F. Hooker, ap Seelterfräisk. Uursät fon Gretchen Grosser, Ingeborg Einhaus (Remmers) un Johanna Evers. Illustrierd (Comic). Ferlach Jens Quedens, Amrum, 1998. 16 S.A4.
  • Seelter Märchenbouk, 1999, 48 Sieden
  • Geschichten, Gedichte un Läidere fon Sunnerkloas tou Kööntje, Roomelse 2001, 50 Sieden, A4
  • Margeriten uut min Tuun, een Seelterfräisk Leesebouk, Bäärsel 2001, 108 Sieden
  • Seeltersk Leesebouk foar littje Bäidene, uursätte Geriemsele, mäd Bielden, Sälwenferlaach, Roomelse 2002, 32 Sieden
  • Mien Tuunschiere, Seelterfräisk Leesebouk, Roomelse 2005, 68 Sieden A4
  • Seelterfräisk Soang- un Beedebouk, 2009, 48 Sieden A5
  • Die litje Prins, Roomelse 2009, 95 Sieden[1]
  • Tuusterpäiter, 2010, 32 Sieden[2]
  • Do Dierte bie ju groote Buurensteede an 'n Diek (50 Sieden, 2012)
  • Fon dän Fisker un sien Wieuw, 2012, 20 Sieden
  • Die fljoogende Klassenruum, 2013, 144 Sieden
  • Seelterfräisk Soang- un Beedebouk, 2013, 52 Sieden
  • Die stöäwelde Bolse, 2015, 23 Sieden
  • Oo, wät fluch is Panama, 2016, 48 Sieden

UnnerskeedengeBearbeiten

  • Meerte 2012: "Die Goldene Blume" (Ju Goudene Bloume) fon dän Heimatbund Oldenburger Münsterland

Sjuch ukBearbeiten

Ferbiendenge ätter buutenBearbeiten

Wällen, Anmäärkengen un ÄtterwiesengenBearbeiten

Wällen, Anmäärkengen un Ätterwiesengen:

  1. Die litje Prins ap Seeltersk ärschienen Die litje Prins ap Seeltersk ärschienen (Memento fon dät Originoal fon dän 21. September 2011 in't Internet Archive)  Info: Der Archivlink wuude automatisk ienföiged un noch nit uurpröiwed. Jädden pröiwje dät Originoal un dän Archiv-Link ätter ju Ounwiesenge un nieme düssen Beskeed ruut.@1@2[[Foarloage:Webachiv/IABot/Skriptfehler: Ein solches Modul „URLutil“ ist nicht vorhanden.]]
  2. Tuusterpäiter ap Seeltersk ärschienen (GA-E-Paper Siede 30)