Euro (Jäild)

Die Euro is ju Wäärenge fon ju Europäiske Wäärengsunion un is ju Wäärenge fon 20 europäiske Lounde (Stound: 2023), do touhoope ju Euro-Soone bildje. Die Euro-Wäärengskode is „EUR“.

Euro-Soone

Haudartikkel: Euro-Soone

Ju Eurosone sänt dän 1. Januoar 2023:

Eurosone siet dän 1. Januoar 2023.

Uur Lounde

Die Euro wäd uk in ferskeedene uur europäiske Stoate bruukt so as Andorra, Monaco, San Marino un Vatikanstääd. Mäd disse Lounde häd ju EU ferskeedene Ferdreege tou dät bruuken fon n Euro as ju offizielle Wäärenge. Sukke Ferdreege rakt et nit mit Kosovo un Montenegro, daach wäd dän Euro deer uk bruukt.

Dät Jäild

Et rakt 100 'Sänt' foar aan Euro. Et rakt Munten fon 1, 2, 5, 10, 20 un 50 Sänt un fon 1 un 2 Euro. Do 1 un 2 Sänt-Munten wäide in fuul Lounde nit moor bruukt. Aal do Munten hääbe ne Bielde fon Europa ap eene Siede, ap ju uur Siede stoant bie älk Lound wät uurs.

Hierunner stounde do Euroskiene:

Wäid	Faawe	Loangte (mm)	Bratte (mm)
€ 5	gries	120	62
€ 10	rood	127	67
€ 20	blau	133	72
€ 50	orange	140	77
€ 100	gräin	147	82
€ 200	jeel	153	82
€ 500	purpur	160	82

Historiske Wikselkuurse

Do Wikselkuurse foar do oolde Wäärengen sunt:

Kuurs € 1	Munteenhäid	Kuurs € 1	Munteenhäid
13,7603	Aastriekske Schilling (ATS)	1936,27	Italieniske Lire (ITL)
40,3399	Belgiske Frank (BEF)	40,3399	Luxembuurichske Frank (LUF)
1,95583	Düütske Maak (DEM)	2,20371	Niederloundiske Gulden (NLG)
166,386	Spaniske Peseta (ESP)	200,482	Portugeiske Escudo (PTE)
5,94573	Finske markka (FIM)	340,750	Griechiske drachme (GRD)
6,55957	Frantsööske Frank (FRF)	239,640	Sloweniske Tolar (SIT)
0,787564	Iriske Puund (IEP)

Ferbiendenge ätter Buuten

Commons: Euro – Mediendoatäie

Wikselkuurs ap xe.com (Ängelsk)
Wikselkuurs ap Yahoo (Ängelsk)
Euroskiene un do oolde Wäärengen fon do europäiske Lounde (Düütsk un Ängelsk)