Curaçao
Flaage fon Woapen fon
Flaage Woapen
Woalspruch:
Nationoalhymne: Himno di Kòrsou
Steede fon
Amtssproake Niederloundsk, Papiamento, Ängelsk
Haudstääd Willemstad
Stoatsfoarm Lound fon dät Köönichriek Niederlounde
Gebiet
Fläche
% Woater

444 km²
-­%
Ienwoonere (2019) 158.665
Munte Antilliaanse gulden (ANG)
Tiedzone UTC -4
Fierdai Köönichsdai
Loundkode CUW
TLD .an (.cw)
Telefonfoarwoal 599

Curaçao is n Ailound in ju Karibik. Dät is n oainständich Lound binnen et Köönichriek fon do Niederlounde. Curaçao heert mäd Aruba un Bonaire tou do ABC-Ailounde. Disse tjo Ailounde heere tou do suudelke Kleine Antillen ("Litje Antillen"). Bie Curaçao heert dät Ailound Klein Curaçao ("Litje Curaçao"), wier neen Moanskene lieuwje. Ap Curaçao woonje 158.665 Moanskene (Täljier: 2019) ap 444 km2. Do maaste woonje in ju Haudstääd Willemstad.

GeografieBearbeiten

Dät Ailound lait sowät 60 km fon’t Fäästlound ou (noudelk fon Venezuela un noudaastelk fon Kolombien). Wäästelk fon Curaçao lait et Ailound Aruba, aastelk fon Curaçao lait Bonaire. Touhoope mäd disse Ailounde heert Curaçao geografisk tou do Ailounde unner do Wiende. Suudaastelk lait Klein Curaçao ("Litje Curaçao"), n unbewoond Ailound mäd bloot n Fjuurtouden un litje Hütten foar do Duuktouristen.

Die hööchste Bierich ist die Sint-Christoffelberg mäd ne Hööchte fon 375 m.

Truch hiere Beginbouksteeuwe wäide do Ailounde Aruba, Bonaire un Curaçao uk wäil ABC-Ailounde naamd.

BefoulkengeBearbeiten

 
Do maaste Moanskene lieuwje in ju Haudstääd Willemstad.

Dät grootste Deel fon do 158.665 Ienwoonere (Täljier: 2019) woont in ju Haudstääd Willemstad. Ju Haudstääd wuude uum dät Schottegat baud, in’t säntroal-aastelke Deel fon’t Ailound.

Dät rakt ferskeedene etniske Gruppen ap’t Ailound. Do Foaroolden fon do maaste Ienwoonere wieren Sklaven, do uut Afrikoa hoald wuuden. N litje Deel fon do Ailoundbewoonere stamme fon do Arawak-Indioaner ou, do Uurbewoonere fon’t Ailound. Et rakt uk ne Gruppe sefardiske Juuden, do in’t 17. Jierhunnert fon Spanien un Portugal ätter Curacao foar ju Inquisition fluchten sunt. Ju Ölindustrie häd Gastoarbaider ounleeken uut Asien, Suudamerikoa un ju Karibik. Däälich rakt et uk eenige Fluchtlengen uut do Naiberlounde so as Venezuela. Do Ienwoonere fon Curaçao hääbe do niederloundske Stoatsbuurgerskup un sunt deertruch uk EU-Buurger.

Ap Curaçao sunt Papiamento, Niederloundsk un Ängelsk do offizielle Sproaken. 2011 wuude ju lääste Foulkställenge däin. 78,4 % fon do Ienwoonere baalt Papiamento, 9,5 % baalt Niederloundsk, 6,1 % baalt Spoanisk, 3,5 % baalt Ängelsk un 3,4 % baalt wät uurs.[1]

BefoulkengsäntwikkelengeBearbeiten

 
Stround ap Curaçao
Jahr Einwohnerzahl
1950 100.179
1960 126.941
1970 143.634
1980 147.996
1990 146.671
2000 132.099
2010 147.608
2017 160.337

Quelle: UN[2]

LoundskupBearbeiten

 
Dät wäästelke Deel, wo die Sint-Christoffelberg stound, is gräiner as't aastelke Deel fon't Ailound.

Dät Ailound is maast druuch, deer woaksje maast kakteenoardige Plantenoarden un bloot ap’t wäästelke Deel fon’t Ailound woaksje uum dän Sint-Christoffelberg hääruum eenige Boome. Do Palmboome, do ap’t Ailound sunt, wuuden fon Moanskene ploantet. Do maaste un hööchste Bierige sunt, juust as die Sint-Christoffelberg, ap et wäästelke Deel fon’t Ailound. An ju Noudkuuste rakt dät bolde uural ne Fälskuuste, Strounde sunt deer nit un swimme is deer gjucht gefoardelk. An ju Suudkuuste sunt ferskeedene litje Strounde, wier me swimme kon. Do bekoandste Strounde sunt do kunstelke Strounde fon Jan Thiel un Mambo Beach, an ju Suudwäästsiede fon dät Ailound lääse do litjere natuurelke Strounde twiske do Fälse.

DierteBearbeiten

Et rakt ferskeedene Dierte ap’t Ailound. Foar do Touristen, do jädden duukje, sunt in do Woatere n Masse ferskeedene Fiskoarden tou sjoon un unner Woater kon me gjucht wied kiekje. Ap’t Lound rakt et, foarallen buuten Willemstad, n Masse Leguoanen. Appe Naite fon Sint-Willibrordus rakt et two Woatere, wier me Flamingos fiende kon. Tichtebie ju Kuuste un bie Klein Curaçao fiendet me eenige groote Skieldpudden, do unner Natuurskuts stounde.

Ferbiende ätter BuuteBearbeiten

Wällen, Anmäärkengen un ÄtterwiesengenBearbeiten

Wällen, Anmäärkengen un Ätterwiesengen:

  1. Statistikamt Curaçao (CBS): Eerste Resultaten Census 2011 Curaçao
  2. World Population Prospects - Population Division - United Nations. Ouroupen ap n 28. Juli 2017.