Wänt fon Burloage

Die Wänt fon Burloage af dät Bäiden uut ju Äästerweeder Douse uk Burli naamd, is ne Foanlieke fon n Wänt, die in dät Eedoubaugebied fon dät Foangoud Seedelsbierich, Meente Seelterlound, in ju Äästerweeder Douse bie dät Täärp Burloage, Meente Rauderfeen wäästelk fon dän Seelter Wäästfoan fuunen wuud.

Rauderfehn in dän Loundkring Lier

Fuund

Tichte bie Seelterlound in de Naite fon Burloage wuud ju Lieke ap n 27. Februoar 1939 truch dän Eedgreeuwer Heinrich Breer uutgreeuwen. Ju Skelett-Lieke wuud eerste Jiertjaande in dät "Landesmuseum für Natur und Mensch" in Ooldenbuurich apbewoard. Fon 2005 - 2009 wuud ju Lieke fon "Burli" in dät Foan- un Feenmuseum Elisabethfeen uutstoald.

Unnersäikenge

In 2010 is ju Lieke in ju "Universitätsklinik Hambuurich-Eppendorf" truch moderne Methoden unnersoacht wuuden. Do hääbe fääststoald, dät dät n jungen Wänt waas, die twiske 12 und 14 Jiere oold waas as hie stuurwen is. Hie is twiske do Jiere 1046 un 1164 ätter Kristus stuurwen.

Ferblieuw

Ju Skelett-Lieke waas fon Mai-August 2011 in dät "Landesmuseum für Natur und Mensch" in Oldenbuurich uutstoald is in n Meerte 2012 wier tourääch keemen ätter dät Foan- un Feenmuseum in Elisabethfeen. Deer is Burli nu in ne Vitrine tou bekiekjen.

Literatuur

• Mamoun Fansa, Eilin Jopp, Klaus Püschel (Hrsg.): Das Kind aus der Esterweger Dose: Dokumentation einer außergewöhnlichen Skelett-Moorleiche. Isensee, Oldenburg 2010, ISBN 978-3-89995-702-0.
• Frank Both, Mamoun Fansa (Hrsg.): Faszination Moorleichen: 220 Jahre Moorarchäologie. Zabern, Philipp von, Darmstadt 2011, ISBN 978-3-8053-4360-2, S. 97-106. (Auszüge aus Werk von 2010)
• Hajo Hayen: Eine Moorleiche aus der Esterweger Dose (1939). In: Archäologische Mitteilungen aus Nordwestdeutschland. 3, 1980, ISSN 0170-5776, S. 11-20. In: Hajo Hayen: Funde aus dem Vehne-Moor - Das Gebiet der Esterweger Dose und des Schwaneburger Moores. In: Archäologische Mitteilungen aus Nordwestdeutschland. 3, 1980, ISSN 0170-5776, S. 9-29.

Ferbiendengen ätter Buuten

• Websiede fon dät Foan- un Feenmuseum Elisabethfeen
• Burli is wier in Elisabethfen (NWZ, 30.3.2012)
• General Anzeiger, Rhauderfehn, vom 05.03.2011, auf E-Paper Seite 53
• Göttinger Tageblatt 06.04.2010 Kurzer Überblick über Untersuchungsergebnisse
• Journal of Archaeological Science: Dating bog bodies by means of 14C-AMS (ängelsk)