Wäästfoan

Die Wäästfoan (de: Westermoor) is dät groote Foangestrich wäästersiede fon do seelter Täärpe.

Die Wäästfoan mäd do Määste fon dän Marine-Seender

Mechaniske Eedgreeuweräi in n Wäästfoan, 1982.

Marine Seender DH038

Seelter Foonkieker

Bierich mäd Eedmul in dät Wäästfoon

In dät Eedkraftwierk fon Wiesmoor (1910) wuud fröier fuul Eed bruukt

In dän Wäästfoan bie Roomelse (Seelterlound) befint sik uk die Seender DHO38 fon ju Düütske Marine. Ju Marinefunksteede is dät hoochste begungbere Bauwierk in West-Europa (man bloot foar Suldoate). Do oachte 352,8 Meter hooge rood-wiet Maäste sunt bit tou ne Fierte fon moor as 20 Kilometer tou sjoon. Die fuchtige Foanboudem häd bie ju Woal uum ne Steede tou waälen n wichtigen Faktor weesen. Ju Marinefunksteede bleeuw loange Tied uut militariske Gruunden n wieten Fläk ap do Koarten. Wieren do Seelter 1973 noch bliede weesen, dät jo ne deer plaande Bombenousmietsteede ferhinnerje kuuden, stuuns hääbe do Nood uur ju Stroalengsbelastenge.

Äntstoundenge

Sjuch bie dän Artikel Aastfoan

Ärsluutenge fon dän Wäästfoan

Sjuch bie dän Artikel Aastfoan

Foulgen fon ju Kultivierenge fon dän Wäästfoan

Sjuch bie dän Artikel Aastfoan

Eedferoarbaidjende Bedrieuwe

Däälich sünt in Seelterlound noch n poor eedferoarbaidjende Bedrieuwe foar dät Eed uut dän Wäästfoan. Do moakje uut dän Eedmul bloot noch Substroat-Eed foar Tuunkere:

• Klasmann-Deilmann in Seedelsbierich. Do heere tou Klasmann-Deilmann in Gr. Hesepe in dät Oamselound. Fröier waas dät C. Deilmann AG in Seedelsbierich.
• Torfwerk Brinkmann in Skäddel. Do moakje uk Eed-Briketts foar dän Kaminougend un heere tou dän niederloundske Griendtsveen-Konzern.
• Moorkultuur Roomelse, waas fröier diräkt ieuwenske dän oolde Boanhof fon Roomelse, do sünt nu buppe in dän Wäästfoan bie dän Marineseender, un deertou heert däälich uk dät
• fröiere Union-Torfwerk fon Schrader/Ahlfeld in Seedelsbierich-Fäärmesound, diräkt ieuwenske ju Iersenboansträkke Seedelsbierich-Ocholt. Dät Wierk is in 2011 oubaadend.

• Dan is deer noch ju Eedfabrik Strenge wäästelk do Toudene fon dän Marineseender. Dät Wierk is al ap dät Gebiet fon Aastrauderfeen, tichte bie dät Skeed tou Seelterlound.

Sjuch uk

• Foan
• Aastfoan
• Feenkultuur
• Eedgreeuwe
• Marine Seender DH038
• Seelter Foonkieker
• Moorkultuur Roomelse

Literatuur

• Eva Blawert: Marsch, Moor, Geest in Ostfriesland. Das Moor, Bd.2, Aurich 1987
• Friedrich Brüne: Die niedersächsischen Moor und ihre landwirtschaftliche Nutzung, Veröffentlichungen Reihe A1 Band 38, Niedersächsisches Amt für Landesplanung und Statistik 1952
• Werner Kaemling:Atlas zur Geschichte Niedersachsens, Gerd J. Holtzmeyer Verlag, Braunschweig 1987, ISBN 3-923722-44-3

Ferbiendengen

• Seelter Foonkieker (Foankieker = Moorgucker)
• Fideo: Mäd ju Museumsiersenboan un dän Seelter Foonkieker in dän Wäästfoan fiere

Such "Seelter Foonkieker" ap ne Foart in dän Wäästfoan