Fereende Stoaten fon Amerikoa

United States of America Woalspruch: In God We Trust' Nationoalhymne: The Star-Spangled Banner Amtssproake neen Sproake as Amtssproake benaamd, faktisk Ängelsk Haudstääd Washington D.C. Stoatsfoarm Präsidiale Bundesrepublik % Woater 2,2% Ienwoonere 268.000.000 Munte Dollar (USD) Tiedzone UTC -5 / -10 Fierdai 4. Juli Loundkode USA Auto-Känteeken USA Internet TLD .us, .gov, .mil, .edu Telefonfoarwoal +1

Do Fereende Stoaten fon Amerikoa (äng. United States of America, kuut USA, de. Vereinigte Staaten), in amtelke kuute Foarm Fereende Stoaten, un nit amtelk oafte Amerikoa naamd (äng. America), sunt ne Buundesrepublik in Noudamerikoa, do (sänt 1959) 50 Buundesstoaten umfoatet. Mäd ju Buundesstoat Hawaii un litje Buutengebiete hääbe ju uk n Deel in Ozeanien. Die Presidänt fon do Fereende Stoaten fon Amerikoa is Joe Biden.

Do Stoaten

Geskichte

Dät Gebiet wier däälich do Fereende Stoaten sunt, waas fröier bewoond fon Indioaner.

In 1776 hääbe trättien Stoaten sik uunouhongich moaked fon Groot-Britannien. Man dät waas die Begin fon dän Amerikoanske Uunouhongichkaidskriech juun Groot Britannien. In dän näie Stoat sunt do Gruundgesätse uurnuumen wuuden un in dät Jier 1789 roat et ne Regierenge.

In dät 19. Jierhunnert wuude die Unnerskeed twiske do noudelke un do suudelke Stoaten gratter, t.B. uur ju Sklaaweräi. Weegen do groote Unnerskeede fäng 1861 die Burgerkriech oun. Die Burgerkriech häd bit tou 1865 duurt, wierbie do noudelke Stoaten sieget hääbe.

In dät 20. Jierhunnert hääbe do Fereende Stoaten dän eerste un twäide Waareldkriech meemoaked. Ätter dän twäide Waareldkriech sunt do Fereende Stoaten n Grootmacht wuuden. Bit tou 1989 touhoupe mäd Ruslound, man ätter dät sljuchtjen fon ju Berliner Muure un dät be-eendjen fon dät Warschaupakt alleenich. Sänt 1989 sunt do Fereende Stoaten ju eenigste Grootmacht ap ju Waareld.

Stoaten

Do naiste Stoaten sunt mädnunner do Fereende Stoaten:

Alabama - Alaska - Arizona - Arkansas - Delaware - Vermont - Virginia - Florida - Georgia - Hawaii - Idaho - Illinois - Indiana - Iowa - Kalifornien - Kansas - Kentucky - Colorado - Connecticut - Louisiana - Maine - Marylound - Massachusetts - Michigan - Minnesota - Mississippi - Missouri - Montana - Nebraska - Nevada - New Hampshire - New York - New Jersey - New Mexico - North Dakota - North Carolina - Ohio - Oklahoma - Oregon - Pennsylvanien - Rhode Island - South Dakota - South Carolina - Texas - Tennessee - Utah - Washington - West Virginia - Wyoming - Wisconsin

Bie ju Uunouhongichkaidsärkläärenge fon 1776 roate et bloot 13 Stoaten.

Stääde

1. New York
2. Los Angeles
3. Chicago
4. Houston
5. Philadelphia

Ferbiendenge ätter buuten

• Websiede fon ju Regierenge (Ängelsk)
• Sproakenkoarte fon dät Lound