Fereeniged Köönichriek fon Groot-Britannien un Noudirlound

United Kingdom of Great Britain and Northern Ireland Woalspruch: Dieu et mon droit Nationoalhymne: God save the King Amtssproake Ängelsk Haudstääd London Stoatsfoarm Konstitutionelle Monarchie % Woater 1,3% Ienwoonere 58.789.194 Munte Pound (GBP) Tiedzone UTC 0 Fierdai twäide Snäiwende in Juni Trooping the Colour Loundkode GBR Auto-Känteeken GB Internet TLD .uk Telefonfoarwoal ++44

Groot-Britannien, ganse Noome: Fereeniged Köönichriek fon Groot-Britannien un Noud-Irlound is n Lound in Wääst-Europa. Ju Haudstääd is Londen un dän Köönig fon ju Monarchie is sänt 2022 Charles III. Do wichtichste Regionen sunt Änglound, Skotlound, Wales un Noudirlound. Fääre rakt dät noch een poor uurich blieuwene Kolonien un Krounoaindumere fon ju britiske Kroune, man do heere dan uk nit so heel un aal tou dän Stoat.

Geografie

Groot-Britannien wäd begränsed fon:

• ju Noudsee in dät Aaste;
• dät Sleeuwekanoal in dät Suudaaste;
• ju Keltiske See, ju Iriske See un Irlound in dät Wääste;
• die Atlantiske Ozean in dät Noudwääste.

Foar ju frantsööske Kuste, wäästelk fon Normandien, lääse noch do Kanoalailounde, un fääre häd Groot-Britannien noch Gebiete uursee.

Die hoochste Bierich fon dät Lound is die Ben Nevis (1343 m).

Grootste Stäade sunt London, Birmingham un Glasgow.

Ferwaltenge

Iendeelenge

Jierhunnerte fon Geskichte sunt wichtich foar ju ferwaltengsmäitige Iendeelenge. Tou n Deel fon ju Ferwaltenge wäd Groot-Britannien apdeeld in Änglound, Skotlound un Noud-Irlound, un uk wäil Wales. Fääre rakt dät noch altied Uutnoamen foar Cornwall, wät al foar moor as n Jierduusend fon Änglound ärooberd wuuden is.

Uur Gestriche

Dät Oailound Man un do Kanoaloailounde sunt sälwen neen Deel fon dät Lound. Jo benutsje Tjoonste fon Groot-Britannien, un hääbe toun grootsten Deel dosälge Gesätse, man do heere fluks tou ju Kroune. Ju Foulge is, dät jo uk naan Deel sunt fon ju Europäiske Union.

Uurseeiske Gestriche

• Anguilla
• Bermuda
• Britisk Antarktisk Gestrich
• Britiske Wuchteroailounde
• Britisk Indisk Ozean-Gestrich
• Britisk Zypern
• Kaimanoailounde
• Falkloundoailounde
• Gibraltar
• Montserrat
• Pitcairnoailounde
• Sänt-Helena
• Suud-Georgien un do Suudelke Sandwichoailounde
• Turks- un Kaikosoailounde

Touhoopeoarbaid

Groot-Britannien is Meedglid in ju NATO (1949), ju Europäiske Union (1973) un do Fereende Natione (1945).

Wirtskaft

Dät Bruttoinloundsprodukt pro Kop waas $35.000 in 2007. In 2007 waas 0,9% fon ju ganse Wirtskup Loundwirtskup, 23,4% Industrie un 75,7% Tjoonste.

Ferbiendengen ätter buuten

 Commons: United Kingdom – Sammelenge fon Bielden, Filme un Heerdoatäie

• Websteede fon dän Stoat.