Seeltersk an do Skoulen

In dät düütske Bildengssystem sunt do Skoulen ju ätter dän Bäidenstuun foulgjende Stappe. An aal do Litje Skoulen (Grundschulen) in Seelterlound un bie dät Skoulsäntrum Seelterlound kriege do Skoulkere Seeltersk-Unnergjucht. Mäd dän Seeltersk-Unnergjucht an do Skoulen wuud in dät Jier 1996 ounfangd. Dät wieren in do eerste Jiere noch eerenamtelke Unnergjuchtere. In 2011 kriege där 150 Bäidene an do Skoulen Seeltersk-Unnergjucht.

Seeltersk an do Skoulen in Seelterlound

Johanna Evers in dän Seeltersk-Unnergjucht

Seeltersk an do Litje Skoulen

An do Litje Skoulen (Gruundskoulen) in Seelterlound konnen do Bäidene een Uure Seeltersk-Unnergjucht in ne Wiek kriege. Die Seeltersk-Unnergjucht is fräiwillich.

• An ju Marien-Skoule in Strukelje rakt Monika Olling dän Seeltersk-Unnergjucht.

• An ju Litje Skoule Skäddel moakje dät Ingeborg Remmers un Anne Wilkens.

• An ju Astrid-Líndgren-Skoule in Seedelsbierich kriege do Skoulkere Seeltersk-Unnergjucht truch Anne Wilkens.

• An ju Gruundskoule in Roomelse fersuurget Ulrieke Rieger do Bäidene mäd Seeltersk-Uuren.

Seeltersk an dät "Schulzentrum Saterland" in Roomelse

An ju Haupt- un Realskoule fon ju Grote Skoule fon't Seelterlound in Roomelse is Johanna Evers Koasterske foar dän Seeltersk-Unnergjucht.

• An ju Hauptskoule rakt dät apstuuns naan Seeltersk-Unnergjucht.
• An ju Realskoule konnen do Bäidene Seeltersk as "Wahlpflichtkurs" kriege.

Laurentius-Siemer-Gymnasium in Roomelse

• An dät Gymnasium rakt dät apstuuns noch naan Seeltersk-Unnergjucht.

Do Winnere fon dän Leese-Wädstried 2009 fon do Gruundskoulen un dät Skoulsäntrum in Seelterlound

Do Winnere fon dän Leese-Wädstried 2011

Leese-Wädstried

An älke Skoule wäd alle two Jiere n Leese-Wädstried feranstaltet. Tou dissen Wädstried wäd fon ju "Oldenburgische Landschaft" aproupen. Tou ju Jury heere dan Seeltersk-Unnergjuchtere, Seelterske Autore un n Fertreeder fon dän Seelter Buund. Do Bääste fon älke Skoule kriege ne Underskeedenge un n fluch Seeltersk-Bouk.

Do Bääste fon älke Skoule nieme dan an n Wädstried foar alle Skoulen fon Seelterlound deel. Deer wäide dan do bääste Seeltersk-Skoulkere fon alle Skoulen fon dät Seelterlound fon ne Jury uutfuunen. Tou ju Jury heere uk wier Seeltersk-Unnergjuchtere un Seelterske Autore. As Eerengaste sunt Fertreeder fon dän Seelter Buund, fon eepenbeere Institute, fon dän Loundkring Kloppenbuurich, fon ju Meente Seelterlound un fon ju "Oldenburgische Landschaft" deerbie. Do Winnere kriege dan ne Uurkunde, n Jield-Goudskien, n Seeltersk-Bouk un n Goudskien foar ne flugge Feranstaltenge af n Museums-Besäik.

Näi Projekt "Seeltersk an do Skoulen"

Ap ju Meegliederfersamlenge fon dän Seelter Buund in n Oktober 2010 is n näi Projekt "Seeltersk an do Skoulen in Seelterlound" truch Ingeborg Remmers foarstoald wuuden. Die Ploan is, dät alle Bäidene al in ju eerste Klasse fon do Gruundskoulen uutsäike konnen, af jo in ju Seeltersk-Klasse af in uurs een Klasse wollen. In ju Seeltersk-Klasse skäl dan alleenich Seeltersk boald wäide, mäd Uutnoame fon do Feeke Düütsk un Ängelsk. Tou ju Projektgruppe heere alle Seeltersk-Koastere fon do Skoulen fon dät Seelterlound. Foar dit Projekt mouten dan noch moor Koastere in Seelterlound toueerst noch Seeltersk leere, deermäd skul 2011 an two Gruundskoulen ounfangd wäide, so dät 2012 dät Projekt ounfanged is. Disse eerste Stappe is n Projekt fon ju "Ostfriesische Landschaft". Do Kosten betoalt dät "Niedersächsische Kultusministerium". Dät Projekt woord steund fon ju "Ostfriesische Landschaft", ju "Oldenburgische Landschaft", ju Universität Ooldenbuurich un dän Seelter Buund. Alle Seeltersk-Koastere in Seelterlound moakje mee bie dän Oarbeidskring fon ju näie Projektgruppe foar "Seeltersk an do Skoulen in Seelterlound". Dät ganse Projekt kostet sowät 60.000 Euro. Dät Jield mout noch sammeld wäide un deer wäide noch "Sponsore" foar soacht.

Sjuch uk

• Unnergjucht
• Twosproakegaid (Apluukenge)
• Tjosproakigen Unnergjucht.
• Sproakuutbau
• Skoule Risum
• Seeltersk in dän Bäidenstuun in Seelterlound

• 
  Bildengsgonge in dät düütske Bildengssysteem
• 
  Al fon gans litjet an kon n Bäiden two Sproaken leere.

Ferbiendenge ätter Buten

• Fideo: Seeltersk in ju Skoule (NWZ-TV 17.05.2011)
• Europa zu Gast bei kleinen Saterfriesen (NWZ)
• Bäidene: Seeltersk lernen mit dem Saterfuchs (GA) - Die ganse Begjucht is hier ap Siede 23 tou fiende
• Leesewädstried 2011: Eerenge fon do Bäästen in Ooldenbuurich (NWZ)
• Leesewädstried 2011: Eerenge foar do Winnere in Seelterlound hier un hier un Bielden hier
• Unnergjucht: Freude über späten Erlass hier un hier
• Sprachprojekt: Die Kosten für zwei Jahre stehen (GA)
• Leesewädstried 2011 an ju Astrid-Lindgren-Skoule in Seedelsbierich (NWZ)
• Leesewädstried 2011 an dät Skoulsäntrum in Roomelse (NWZ)
• Leesewädstried 2011 an ju Marienskoule in Strukelje (NWZ)
• Leesewädstried 2011 an ju Gruundskoule in Roomelse (GA)
• Litje Skoule Skäddel
• Gruundskoule Roomelse
• Schulzentrum Saterland / Saterfriesisch
• LSG-Lautentius-Siemer-Gymnasium
• Saterfriesisch in Kindergärten und Schulen
• Fideo Seeltersk ap RTL Bremen
• Wäbsteede fon ju Skoule Risum (deensk, fräisk, hoochdüütsk)
• Zweisprachigkeit - Chance oder Risiko?
• Mehrsprachig aufwachsen
• http://bilingual-erziehen.de/
• Litje Bäidene leere two Sproaken glieke gau as een Sproake.
• Dokumentation_Interfriesischer_Kongress, Siede 9.
• Die dreisprachige Schule, Siede 15.
• De trijetalige skoalle
• “Tjosproakige Skoulen sunt do bääste”
• Ju ladiniske Skoule
• Ju tjosproakige Skoule fon Esch/Luxembuurich. Klik ju düütske Flaage un dan kids of adults.
• Dreisprachige Internationale Grundschule Magdeburg
• Dreisprachige Internationale Grundschule Potsdam
• Magazin für den Unterricht in mehrsprachigen Volksschulklassen
• Spracherwerb zweisprachig aufwachsender Kinder und Jugendlicher.
• Halepaghen-Schule un säik "Sprachen"

Wällen, Anmäärkengen un Ätterwiesengen

Wällen, Anmäärkengen un Ätterwiesengen: