Seelter Buund

Die Seelter Buund wuud apgjucht in 1977 as ne fertreedende Organisation fon do Seelter, ätter dät die oolde Seelterbuund fon 1952 sun 15 Jier stilsteen hiede.

Loange Tied wuud meend, ju seelter Sproake waas nit fuul wäid. Uum 1960 wuud ju sogoar in de Skoule ferbeeden. Mäd Hälpe fon do Sproakkundigen Marron Curtis Fort un Pyt Kramer, do ju Sproake as ne wichtige Äärwe blouked hääbe, is dät Seelterske siet do 1970-er Jiere wier aplieuwed.

Die Seelter Buund gjucht sik ap dät Bewoarjen un Äntwikkeljen fon ju Sproake. Unnersäikenge un Dokumentation fon ju seelter Geskichte, Kultuur un Gewoonhaide, as uk fon ju Uumwaareld heere fääre tou do Siele fon dän Seelter Buund. Deerfoar bewoart die Seelter Buund uk älke kulturelle Moite in sien Archive.

Ju Fereenenge sälwen häd sowät 300 Meegliedere. Twiske 30 un 40 dwo mee an fräiwillige Oarbaiden for aktive Oarbaid an ju Sproake, so as ne Seelter Grammatik un uur skrieuwen Materioal. Do Touhoopekuumen fon dän Foarstand fon dän Seelter Buund wäide uk ap Seeltersk ouheelden. Ju Organisation gruundet sik foarallen ap privoate Unnerstöänenge un Hälpe fon ju federoale Regierenge.

Die Seelter Buund is fertreeden in dät Europäiske Büro foar Minner-bruukte Sproaken. Hie is uk Meeglid fon ju Fräiske Räid un fon ju Ooldenbuurgiske Loundskup. Juust as bie do Noudfräiske hied ju Toustimmenge tou dät Europäiske Charter foar regionoale un Minnerhaids-Sproaken n wichtigen Ienfloud ap ju Anärkannenge fon ju seelter Sproake un dät Sälwengeföil fon fuul Seelter.

Ju Foulksdonsgruppe Seelterlound fon 1970 wuud 1978 in dän Seelter Buund apnuumen un fon ju Gruppe wuud besleeten, ne Dracht ätter ju historiske Seelter Dracht tou dreegen.

Häärst 1995 wuud ap Initiative fon dän Seelter Buund n Projekt foar Seeltersk in do Bäidenstuune ounfangd. Ieuwenske dän Seeltersk-Unnergjucht an do Skoulen fon Seelterlound lapt där lapt uk n nai Projekt foar moor Seeltersk an do Skoulen.

Pyt Kramer is siet n 6. Meerte 2010 Eerenmeeglid fon dän Seelter Buund.

Die Seelter Buund feranstaltet jierelks ouwikseljend n Heematäiwend af n Sloachtfäst. Älk Jier in Oktober is ju Meegliederfersammlenge fon dän Fereen. Do Feranstaltenge wäide toun grooten Deel ap Seeltersk ouheelden.

Literatuur

Robin Hood, fon John F. Hooker, ap Seelterfräisk. Uursät fon Gretchen Grosser, Ingeborg Einhaus(Remmers) un Johanna Evers. Illustrierd (Comic). Ferlach Jens Quedens, Amrum, 1998. 16 S.A4.
Theodor Deddens [Red.], 25 Jahre Heimatverein Saterland -Seelter Buund- 1977-2002.
Die jungen Saterfriesen : eine Reise durch das Jahr ; 10 Jahre Saterfriesisch im Kindergarten, (Ramsloh : Kindergarten St. Jakobus, 2009). Texte un Läidere ap Seeltersk, ätter dät Düütske uursät fon H. Münzebrock, Bouk un CD

Foarstand

Heinrich Pörschke, Foarsitter
Margret Göken, Skriftfierenge

Bouke

Die Seelter Buund roate 1998 dät Bäidensbouk Robin Hood fon John F. Hooker hääruut in seelter Uursättenge fon Margaretha Grosser, Ingeborg Einhaus un Johanna Evers, fääre dät Toankebouk fon dän Seelter Buund in 2002 un Die jungen Saterfriesen, 10 Jahre Saterfriesisch im Kindergarten, uursät fon H. Münzebrock, 2009, Bouk un CD

Sjuch uk

Ferbiendenge ätter buten

3.12.2011 Seelterfräisen kriege 50.000 € fon n Stoat - Kiek hier ap Siede 1 und 29 (GA E-paper)
14.10.2011: Seelter Buund: Heinrich Pörschke wier Foarsitter hier un hier (GA/NWZ)
Kontaktinformation
Heinrich Pörschke mäd ju Guiness-Urkunde
Näi Dak foar dät Seelterfräiske Kulturhuus (NWZ)
Begjucht fon dän Heimatabend Seelter Buund ap 6.3.2010: Kiek hier af hier
8. Okt. 2010: Meegliederfersamlenge: Seelter Buund eerd Meeglieder af kiek hier
Saterfriesisch in Kindergärten und Schulen
Lehrer lernen Saterfriesisch (Nordwest Zeitung)
Seelter Buund: Erleben und probieren: "Sniertje-Ieten" in Hollenermoor ap n 12. Meerte (GA)