Rhinolophus ferrumequinum

Rhinolophus ferrumequinum

Systematik

Oardenge:	Flädderdierte (Chiroptera)
Unneroardenge:	Fläddermuuse (Microchiroptera)
Familie:	Rhinolophidae
Sleek:	Rhinolophus
Oarde-Gruppe	ferrumequinum
Oard:	Rhinolophus ferrumequinum
Beskrieuwen fon	SCHREIBER, 1774

Rhinolophus ferrumequinum is ju grootste europäiske Oard uut dän Fläddermuus-Sleek Rhinolophus. Afwäil ju IUCN ju Oard as „Least concern“ (Nit in Gefoar) ap hiere Roode Lieste häd, is ju in fuul Gebiete uutstuurwen, toun Biespiel in do Niederlounde un in Belgien, fielicht uk ap Malta. In Düütsklound rakt dät uk bloot noch een Gebuurtsstoowe in Bayern, wierbie uum Trier tou uk wäkke uut Luxembuurich fljooge.

Määrkmoale

Noose

As aal do Fläddermuuse in dän Sleek Rhinolophus, häd ju Oard n komplizierden Apbau fon ju Noose. So rakt dät in dissen Sleek uur do Noosepiepen n Deel, wät as Sella beteekend wäd, un disse Sella ärinnerd n bitje an ne Äkse un häd two oustoundende Eenden.

Bie disse Oard, Rhinolophus ferrumequinum, is dät buppere Eende stump un dät uur spits.

Faawe

Dät Fäl is ap ju Bupperkaante griesbruun af gries un n bitje rood is uk deerbie. Ju Unnerkaante ljoachtgries un mongs n bitje jeelsk. Junge Dierte sunt ap ju Bupperkaante so gries as Äske. Ju Häid an do Flöägele un do Oore is ljoacht-griesbruun.

Mäiten

Kop un Rump sunt touhoope 57-71 mm, die Stäit is 35-43 mm un die Unnerflöägel 54-61 mm loange. Dät Diert kon sien Flöägele 35-40 cm uutbreedje un wächt 17-34 g.

Unneroarde

Ju binnere Systematik is noch striedich, uut dissen Gruund sunt do Wällen hier uk niep anroat.

Rhinolophus ferrumequinum ferrumequinum^[1] (Uut Middel- un Suudeuropa)
Rhinolophus ferrumequinum creticum^[1](Uut Kreta)
Rhinolophus ferrumequinum irani
Rhinolophus ferrumequinum korai
Rhinolophus ferrumequinum martinoi^[1] (Uut Noudmakedonien, Griechenlound un Sizilien)
Rhinolophus ferrumequinum nippon
Rhinolophus ferrumequinum obscurus^[1] (Uut Spanien, Sardinien, Korsika un Noud-Afrikoa)
Rhinolophus ferrumequinum proximus
Rhinolophus ferrumequinum tragatus

Wällen

↑ ^1,0 ^1,1 ^1,2 ^1,3 Wilfried Schober, Eckhard Grimmberger: Die Fledermäuse Europas Kennen Bestimmen Schützen KOSMOS naturführer ISBN 3-440-07597-4

Ronald M. Nowak: Walker's Mammals of the World Sixth Edition, ISBN 0-8018-5789-9
Ju IUCN-Siede

[Die_Fledermäuse_Europas-1] 1,0 ^1,1 ^1,2 ^1,3 Wilfried Schober, Eckhard Grimmberger: Die Fledermäuse Europas Kennen Bestimmen Schützen KOSMOS naturführer ISBN 3-440-07597-4

[1]