Bierich-Noosenboar

Oolde Illustratsjoon fon aan Bierich-Noosenboar (Nasuella olivacea)

Systematik

Oardenge:	Roowdierte (Carnivora)
Uurfamilie:	Huundeoardige (Canoidea)
Sunner Stappe:	Modder-Fjuunde (Musteloidea)
Familie:	Dwäärch-Boare (Procyonidae)
Sleek:	Nasuella
Oard:	Bierich-Noosenboar (Nasuella olivacea)
Beskrieuwen fon	HOLLISTER, 1915

Die Bierich-Noosenboar (Nasuella olivacea) is een Roowdierte-Oard uut ju Familie fon do Dwäärch-Boare (Procyonidae). Hie is ääng fjuund mäd do Noosenboare (Sleek Nasua), man hie wäd in aan oainen monotypisken Sleek, Nasuella, fierd. Bierich-Noosenboare lieuwje in Kolumbien, dät wäästelke Venezuela un Ecuador, wier jo in haagerlaine Holtbuske in 2000 bit 3200 Meetere buppe ju See tou fienden sunt.

Beskrieuwenge

Die Bierich-Noosenboar lät so äänelk as die Suudamerikoanske Noosenboar, man hie is baldoarich litjer un häd n kuuteren Stäit. Sien ticht, ruuch Fäl is fon griesbruune Klöär, die Stäit is jeelgries-dunkerbruun ringeld. Ju Snuute is juust as bie do uur Noosenboare loangsträkked un goud bewäägelk, man die Skäädel in't heele is noch langer as bie do uur Oarde. Düsse Dierte roakje een Kop-Rump-Loangte fon 36 bit 39 cm un een Stäitloangte fon 20 bit 24 cm.