Ne Substroatsproake is ne Sproake ju in n bestimd Gestrich ärsät wuuden is fon n uur Sproake, ju Superstroatsproake. Biewielen wäd uk ju kuute Beteekenge Substroat bruukt.

Sproakannernge Beoarbaidje

Bie ne Sproakannernge wäd ne Sproake in n bestimd Gestrich ärsät fon ne näie Sproake. Ju ärsätte Sproake is dan ju Substroatsproake fon ju näie Sproake. Wan buute dät Gestrich noch n Foarm fon ju oolde Sproake boald wäd, dan is dät ne Adstroatsproake fon ju näie Sproake. Uumekierd is ju näie Sproake fon dät Gestrich ju Superstroatsproake fon ju oolde Sproake.

Deeruum dät dät Ärsätten maastens nit fulkeemen is, sunt in n Superstroatsproake oafte Räste fon de Substroatsproake wiertoufienden. Disse Räste, do der ouwieke fon do normoale Räägele fon de Sproake, konnen gewöönelke Woude weese, man uk Noomen, as oolde Steedenoomen of traditionelle Persoonsnoomen.

Biespiele Beoarbaidje

Foar ju Angelsaksiske Invasion wuud in Änglound Keltisk boald. Dät Ängelske häd deer also n keltisk Substroat. Eer do Germanen truch dän Limes brieken, wuud in Suud-Düütslound woarschienelk ne romaniske Sproake boald. Dät Düütske häd deer dan n romanisk Substroat.

Foarooldfräisk Beoarbaidje

Uk fon dät Fräiske wäd ounnuumen, dät et ne Substroatsproake roat häd bie do Foulkere do der Fräisk baale af boald hääbe. Fon disse Substroatsproake fon dät Fräiske, beteekend as Foarooldfräisk, is noch nit fuul bekoand. Dät mouten wie leere truch Rekonstruktion uut Räste.

Bie disse Rekonstruktion wäd toueerst kieked ätter Woudfoarme, do ju germaniske Luudferschuuwenge nit meemoaked hääbe. So is dät Indogermaniske p an dän Woudbegin in aal germaniske Sproaken tou f wuuden (latynsk pellis wäd tou Seeltersk Fäl).

Wan dät nu in dät Seelterske Woude rakt mäd "p" an n Woudanfang, do nit leetere Äntleenenge of Luudmoaleräi äntstamme, dan mout dät sik uum Substroatwoude honnelje. Muugelke Biespiele sunt: Paad un Poul.

Sjuch uk Beoarbaidje

Ferbiendengen ätter buuten Beoarbaidje