Saudi-Arabien
| ||||||||||||||||||||||||||||||||||
.svg)
Saudi-Arabien is een Lound in Faander-Asien. Dät is dät Grootste Lound ap dät Arabiske Hoolichailound. Noaberlounde sunt Jordanien, Irak, Kuwait, Katar, do Fereende Arabiske Emiroate, Oman un Jemen, buppedät lait die Ailoundstoat Bahrain foar'e Kuste fon Saudi-Arabien.
Wirtskup
BeoarbaidjeJuust so as uur Lounde in düsse Region rakt dät in Saudi-Arabien fuul Äid-Oulje, wiertruch aan Deel fon ju Ienwoonerskup gjucht riek wuuden is. Woater in Foarm fon Rien, Seen un Äien rakt dät deerjuun nit fuul. So mouten do Saudi-Araber foar hiere Buuräi (besunners foar dän Ounbau fon Weete), juust so as foar hiere Huushollengen eerstens do eendelke Foarroate fon Fossil Gruundwoater uutbüütje, wät nit eeuwich so fääre gunge kon. Dät uur, wät jo moakje, is dät jo Meerwoater äntsoaltje. Ätter dän momentoane Stound fon'e Technik is düt noch aiske energie-intensiv.
Religion
BeoarbaidjeSaudi-Arabien is buppedät bekoand foar sien strom-islamiske Stoatsreligion. Nieper honnelt sik dät uum dän Wahhabismus, een Gjuchte fon dän sunnitisken Islam, die fon wildääge moor as 70 % fon ju Befoulkenge fertreeden wäd. Dät rakt in Saudi-Arabien uk noch nit-wahhabitiske Sunniten (sowät 12 %) un uk Schiiten (sowät 10 - 15 %).
Do Stääde saudi-arabiske Stääde Mekka un Medina jäilde in dän Islam as hillich, nit-muslimiske Ljuude duuren do nit betreede.
Ju stromme Uutlääsenge fon dän Islam häd uk Ienfloud ap ju Gjuchtspreekenge, ju oafter juun do Moanskengjuchte is. So rakt dät as Stroafe biespilswiese Amputatsjoonen, Steenigengen un uk uur ferskeedene Oarde fon Waigjuchtenge.
Uk wan dät Juudsken un kristelken Goddestjoonst is in Saudi-Arabien ferbeeden. Nit-sunnitisk religiös Materioal duur me nit besitte. Dät is also ferbeeden, een Bibel, een Kjuus, aan Rousenkraans of uurs-wät in düsse Oard tou besitten. Dät is uk ferbeeden, sik eepentelk tou't Kristendum tou bekannen. Daach rakt dät, foar'aaln truch buutloundske Oarbaidskrääfte, n litjen Oundeel Kristen fon ferskeedene Konfessionen in Saudi-Arabien. Dät rakt Katholiken, fertreeden foar'aaln truch philipiniske Oarbaidskrääfte, Protestanten, Kopten, juust so as äthiopiske un eritreiske Kristen. Foarsichtich wäd die kristelke Oundeel ap fjauer Prozent taksierd, uk wan hie amtelk bie Null lait.
Dät rakt neen eepentelke Säärkenbauwierke, sodät do Kristen stilkens in privoate Huuse touhoopekuume. In 2001 wuuden 11 Kristen bie n Goddestjoonst in n Privoathuus bedapped un ienspeerd, in 2004 geböärde dät sogoar 46 Kristen.
In'e Katoolske Säärke heert Saudi-Arabien tou dät Apostoolske Vikarioat Noudelk Arabien, juust so as do Noaberlounde Kuwait, Katar un die Ailound-Stoat Bahrain, man in Saudi-Arabien rakt dät noch neen katoolske Gäistelke of Säärken.
Muslime, do tou't Kristendum konvertierd sunt, rakt dät uk (ätter een Taksierenge fon 2015 sunt dät säkstichduusend) man wan do ferwisked wäide, truuet ju Doodes-Stroafe. Wan Buutloundere sik eepentelk tou't Kristendum bekanne of sogoar missionierje, kumt dät deer ap oun, wier jo häärkuume. Wan do uut geopolitsk betjuudende wäästelke Lounde kuume, wäide jo maasttieds buute dät Lound soand, man wan jo uut minner betjuudende Lounde kuume, wäide jo uk toumäts waigjucht.