Die Rio Madeira is een Äi in Brasilien in Suud-Amerikoa. Dät is een Sieden-Äi, ju fon gjuchts in dän Amazonas fljut. Uumdät deer 31200 Kubikmeetere in ju Sekunde oufljoote, is hie ju grootste Sieden-Äi waareldwied. Hie äntstoant uut dät Touhoopefljooten fon Río Mamoré un Río Beni aastelk fon Nova Mamoré un fljut mäd nit aal tou fuul Wiendengen generell ätter't Noudaaste.

Die Rio Madeira

Dät Äi-SystemBearbeiten

 
Koarte fon dät Äi-System fon dän Rio Madeira

Ju Äi häd dän Noome Rio Madeira ap do unnere 1450 Kilomeetere fon dät Äi-System. Tou Begin al is die Rio Madeira mäd een Woaterfierenge fon sowät 18000 Kubikmeetere in ju Sekunde äänelk groot as die Mississippi River. Wier do bee Wäl-Äien touhoopefljoote, is die Río Beni woaterrieker as die Río Mamoré un jält deermäd as hydrogroafiske Haud-Wäl-Takke, wierfon die Begin mäd dät Wäl-Rebät fon dän wieruume woaterriekeren Río Madre de Dios in do peruoanske Anden lait. Ju loangste Wäl-Takke is die Río Mamoré mäd sien loangste Sieden-Äi Río Grande (in'n Bupperloop Río Caine naamd) un deerfon wieruum ju loangste Wäl-Äi Río Rocha. Mäd him wäd foar dän Rio Madeira een Loangte fon aaltouhoope 3.380 Kilomeetere ounroat.

Juust so as die Amazonas is uk die Rio Madeira een Wietwoater-Äi. Groate Deele fon sien Woaterfierenge kuume uurspröängelk uut do Rant-Bierichkätten fon do Anden, wier masse Rien deel kumt. Düsse Rant-Bierichkätten bestounde uut Sediment-Steen-Soarten, do licht erodierd (also truch Uumewaareld-Faktooren ousliepen) wäide konnen. Deeruum hääbe düsse Stroome masse Swieuw-Stoffe in sik. Deerbie wäd die Rien an'n Rant fon do Anden fon't Noudwääste ätter't Suudaaste stoadich minner, wät mäd dän Uurgong fon dän ful-humiden troopisken Rienwoold bit tou do semiaride Doal-Seetele fon do bolivioanske Anden touhoopehonget un wät sik wierspeegelt in ju juunstoundende Loange fon fon ju Woaterriekste hydrologiske Haud-Takke in't Noudwääste (Río Madre de Dios) un loangste Wäl-Takke (Río Grande) in do Savannen fon't Suudaaste.

WällenBearbeiten

  • Düssen Artikkel foutet grootstendeels ap dän Artikkel in ju düütsksproakige Wikipedia.