Rio Juruá

Die Juruá (portugiesisken Noome in Brasilien; ap Spoansk, in Peru, hat hie Río Yurua) is een 3283 Kilomeetere loange, fon gjuchts kuumende Sieden-Äi fon dän Amazonas in Peru un Brasilien.

Koarte fon dät heele Amazonas-Äi-System, wier die Juruá besunners ap känteekend is.

Do Wiendengen fon ju Äi fon buppe

Een Siedelenge bie ju Äi

Ferloop fon ju Äi

Ju Äi äntspringt in't Bierichlound fon ju peruoanske Region Ucayali, suud-aastelk fon Puerto Portillo un fljut fon junner ätter't Noudwääste. Bie Foz do Breu slängelt sik ju Äi twäärs uur't Skeed ätter Brasilien un fljut eerste in noudelke un ätters - parallel tou dän Purus - in noud-aastelke Gjuchte truch dän brasilioansken Buundesstoat Amazonas. Junner lait ju glieknoomige Meente Juruá an ju Äi. Die Juruá fljut in dän Bupperloop fon dän Amazonas (Koordinoaten fon ju Mundenge: 2°38′9″S 65°45′22″W)

Ap aaltouhoope 1823 Kilomeetere Loangte is die Juruá skipbeer.

Do grootste Äien, do deer oun fljoote

Tou do grootste Äien, do deer oun fljoote, heere (fon buppe ju Äi deel:

• Río Humaitó (gjuchts)
• Juruá Mirim (links)
• Rio Moa (links)
• Río Ipixuma (links)
• Riozinho da Liberdade (gjuchts)
• Rio Gregório (gjuchts)
• Rio Eiru (gjuchts)
• Río Tarauacá (gjuchts)
• Río Xiruá (gjuchts)
• Rio do Breu (gjuchts)

Wällen

• Düssen Artikkel foutet ap een Uursättenge uut ju düütsksproakige Wikipedia.

Literatuur

• Colbert E. Cushing, Kenneth W. Cummins, G. Wayne Minshall: River and Stream Ecosystems of the World: With a New Introduction. University of California Press 2006, ISBN 0-520-24567-9, S. 280ff (beskatte Online-Version (Google Books))
• Juruá in Meyers Enzyklopädie fon 1907 ap zeno.org

Weblinks

 Commons: Rio Juruá – Sammelenge fon Bielden, Filme un Heerdoatäie