Grooten Plöner See

Die Groote Plöner See is n Woaterdoabe mäd ne Flakte fon moor as 28 km² in dän Kring Plön in't Suudaaste fon Släswiek-Holsten un is bit tou 56 Meetere joop. Die Groote Plöner See is die grootste Woaterdoabe in Släswiek-Holsten un die tjaandgrootste in Düütsklound. Tiedwiese waas hie noch gratter, uumdät hie fon't 13. Jierhunnert oun ne Tied loang foar n Määlnebedrieuw apstauet waas. Dät wuude oaber, uum Lound tou winnen, wier fernäilt.

Koarte

Truch dän Groote Plöner See fljut ju (näie) Schwentine. Oun sien noudelk Ouger lait ju Stääd Plön. In ju Weichsel-Iestied äntstuude die Doabe truch Glitskere.