Astronomiske Eenhaid

Ju astronomiske Eenhaid (AE, Ängelsk: AU) is ne Oustandsmäite, ju der bolde gliek dän Truchsleek-Oustand is twiske ju Äide un ju Sunne, soowät 149,6 Millionen km. Siet September 2012 is ju astronomiske Eenhaid definierd as seküür 149 597 870 700 Meter. Disse Mäite wäd in ju Astronomie ferwoand, uum Oustande in dän Waareldruum antoutjuden, deermäd do fergliekboar wäide mäd dän "Radius" fon dän Uumloopboan fon ju Äide uum de Sunne.

Uur Eenhaide foar groote Fierten in dät Aal sunt Luchtjier un Parsec.

Biespiele:

• Pluto fint sik ap 39,5 AE fon de Sunne.
• Jupiter stoant ap 5.2 AE fon de Sunne.
• Ju Moune stoant ap (ouruunded) 0,0027 AU fon de Äide.

Uumreekenge:

• 1 AE = 149 597 870 700 Meter
• 1 AE = 8,317 Luchtminuten
• 1 AE = 499 Luchtsekunden
• 1 Luchtjier = 63 241 AE
• 1 Parsec = 206 265 AE
• 1 Parsec = 3.262 Luchtjiere