Tom Puss
Tom Puss (holloundsk Tom Poes) is ju bekoandste Comicfiguur fon dän niederloundske Comicteekener Marten Toonder.
Äntwikkelenge Beoarbaidje
Die anthropomorphe Koater Tom Puss wuud al 1938 äntwikkeld, ferskeen eerste oawers bloot in Argentinien un ju Tschechoslowakei. In do Niederlounde ferskeen Tom Puss toun eersten Moal dän 16. Meerte 1941 in dät Deegeblääd De Telegraaf.[1] Al in ju trääde Foulge bie dän Telegraaf kreech Tom Puss mäd dän ieuwenfals anthropomorphe Boare Oliver Bommel n räägelmäitigen Beglaiter.[1] Fon n 28. November 1947 bit toun Juni 1951 ärskeen in do Niederlounde mäd Tom Poes Weekblad n Comicwiekenblääd, dät ieuwenske dän Titelfiguur noch moor Protagoniste äntheelt. ref>Tom Poes Weekblad bie lambiek.net (nl.)</ref> Ju lääste Geskichte fon Tom Puss & Hr. Bommel ärskeen 1986.[1]
Waas ju Figuur fon dän Tom Puss toueerst foar litje Bäidene as Sielgruppe anlaid, so gjuchte sik die Comic in do 1960er un 1970er Jiere moor an Jungfoulk un junge Woaksene. Deerbuute wuud ju uk in Teekentrickfilme un as Wierwedreeger iensät.
In n Ounfang äntheelten do Comics mäd Tom Puss neen Spräkbläisen, man die Text waas bloot unner do Bielden anoardend. Eerste 1945 wuude dät tiedwiese annerd.[2]
In dän düütsksproakigen Ruum ferskeen Tom Puss unner uur in do Jiere 1983 bit 1985 bie Carlsen.[3]
Ap Wäästfräisk ferskeenen Tom Puss- of Bommel-Geskichten in ju Leeuwarder Courant un leeter as Bouke in do Jiere 1994 bit 2007 bie Chat Mort.
Figuure Beoarbaidje
- Tom Puss is altied die Wieste, die do Failere fon do Uur löösen däd, besunners fon sin Fründ Oliver Bommel.
- Bommel is n rieken Heer, die der n “foaroalerk” Kastäil bewoont, wät hie sälwen baue lät häd. Hie wol “in t Stille Goudes dwo” un immer wiese, “wät n Heer fermai”, man dät wäd je aal niks.
- Johann, sin Tjooner, die der räägelmäitich Ouskeed nimt.
- Professor Prschikowski, die Geleerde in Toachten: "Dit is aal ja gans uunwietenskuppelk."
- Die Psychologe Breinbreier: “Dät sjo iek so oafte in mien Praxis”.
Literatuur Beoarbaidje
- Franco Fossati: Das große illustrierte Ehapa Comic Lexikon, Ehapa Verlag, Stuttgart 1993, ISBN 3-7704-0865-9, S. 260—261
- Andreas C. Knigge: Comic-Lexikon, Ullstein, Frankfurt am Main, Berlin und Wien 1988, ISBN 3-548-36554-X , S. 432—433
Ätterwiese Beoarbaidje
- ↑ 1,0 1,1 1,2 Marten Toonder bie lambiek.net (nl.)
- ↑ Andreas C. Knigge: Comics, Rowohlt Taschenbuch Verlag, Reinbek 1996, ISBN 3-499-16519-8, S. 237.
- ↑ Tom Puss bie comicguide.de