Wikipedia

Theodor Mommsen

Theodor Mommsen (30. November 1817 - 1. November 1903) waas n noudfräisken Koaster un Professor in do klassiske Feeke. Hie wäd aalmeen bikieken as die wichtichste klassiske Historiker fon dät 19. Jierhunnert. Sien Oarbaid uur ju roomske Skichte is däälich noch gjucht bitjuudend foar Ätterfoarskenge uur dät Themoa. Hie häd ju Nobelpries foar Literatuur kriegen in 1902 un waas uk n fierenden düütsken Politiker, as Meeglid fon dät prüüske as uk fon dät düütske Parlemänt.

Theodor Mommsen

Lieuwensloop

Beoarbaidje

Mommsen is in Garding in Eiderstääd in Sleeswik bädden un is apwoaksen in Bad Oldesloe. Hie waas toufäärme Skichts-Professor an ju Universität fon Leipzig, is dan in 1858 Meelid wuuden fon ju Akademie fon Wietenskuppe un ätters in 1861 Professor in ju roomske Skichte an ju Universität fon Berlin.

Hie häd fuul Eerenbetjuugengen kriegen foar sien wietenskuppelke Laistengen: die “blaue Max”, ju hoochste militääriske Eerenbetjuugenge in 1868; Eerenburgerskup fon Room, un dän Nobelpries, aan fon do min Seekliteratuur-Schrieuwere, do der ju Tou-Ärkannenge kreegen.

Wietenskuppelke Wierke

Beoarbaidje
  • Ju Geskichte fon Room: ju Oarbaid ärskeen in tjo Beende twiske 1854 un 1856. Ju däkt ju roomske Geskichte bit tou dät Eende fon ju roomske Republik un ju Heerskup fon Julius Caesar.
  • Roomsk gruundsätselk Gjucht: (1871-1888)
  • Roomsk Stroafgjucht (1899)
  • un moor as 1500 Wierke un Ferhonnelengen moor uur uur individuelle Themen.

Nobelpriesfakte

Beoarbaidje

Mommsen waas aal sieläärge ju ooldste Persoon uum dän Literatuurpries tou ärooberjen (hie waas do 85 Jier oold) un uk ju Persoon mäd dät ädderste Bäidedoatum (1817).

Ferwiese ätter buuten

Beoarbaidje
Fon "https://stq.wikipedia.org/w/index.php?title=Theodor_Mommsen&oldid=120138"