Stoarksbrood

Skimmel, die der ap do Ieren fon Roage un Weete woaksen däd
Stoarksbrood
Stoarksbrood
Stoarksbrood (Claviceps purpurea)
Systematik
Unnerklasse: Hypocreomycetidae
Oardenge: Hypocreales
Familie: Clavicipitaceae
Sleek: Claviceps
Oard: Stoarksbrood (Claviceps purpurea)

Stoarksbrood (Claviceps purpurea, dt. "Mutterkorn") is n Skimmel, die der ap do Ieren fon Roage un Weete woaksen däd, säilden uk ap Jäärste, Hoawer af Gäärse. Dät lät ap Swotbrood, wäil deerhäär die Noome. Truch dän Gebruuk fon desinfizierd Säid kumt dissen giftigen Angriep däälich bolde nit moor foar.

Stoarksbrood ap Roage

Stoarksbrood produziert giftige Alkaloide, as Ergotamine, do der fiere konnen tou Tiermkrampe un Truchbläidengs-Probleme, wiertruch Fingere un Toonen oustierwe. Uk kon dät Hallizunatione reeke. Foar n woaksen Moanske kon fieuw bit tjoon Gram Stoarksbrood al döödelk weese.

Ap ju uur Siede konnen do Alkaloide uk n gunstigen Ienfloud hääbe ap hoogen Blouddruk af Migräne.

Foarallen in dät Middeloaler roate dät oafte Fergiftengen mäd infizierd Meel, wiertruch wäil ganse Täärpe un Stääde uutrooded wuuden. Do Alkaloide fiere tou Ergotismus, uk Antoniusfjuur naamd. Wan uk al in 1676 n Ferbeend fuunen wuude twiske dän Skimmel un do läipe Effekte, so häd dät daach in 1951 in Frankriek noch n Fal roat mäd 300 Offere. Desinfizierenge fon dät Säid blift also gjucht wichtich.


Dissen Artikkel is n Stump.

Hälp jädden deeran mee, dät tou ferbeeterjen.