Sink (Musik)

Aan Sink (düütsk un holloundsk Zink, ängelsk cornett af cornetto - Man nit cornet, dät is uurswät - frantsöösk cornet à bouquin, italieensk cornetto, tiedwiese ieuwenske uur Instrumänte uk mäd dät latienske Woud lituus beteekent) is een Musikinstrumänt, dät maasttieds uut Holt, mongs uk uut Älfenbeen moaked wäd un daach tou do Blikbleesinstrumänte täld wäd, uumdät me dät juust so anbleesjen däd as t.B. een Trumpätte. Sinken rakt dät in ferskeedene Toonhööchten: Sopran, Alt, Tenoor un Bass (Bass-Sinken heete uk Serpenten.

Sinken, do stoundende fon links ätter gjuchts: Sopran-, Alt-, Tenoor- un Basssink, lääsend noch aan Bass-Sink (= Serpent)

In't leete Middeloaler ärfuunen, hiede die Sink sien Blöitetied hiede die Sink bit in't 17. Jierhunnert, man as dan ju Fjoole as Soloinstrumänt apkoom, wuden Sinke minner un minner bruukt. In't Noude fon Europa heelt sik dät noch bit in't 18. Jierhunnert. Dät oankelde Instrumänt uut ju Sinken-Foamielje, dät bit in't leete 19. Jierhunnert (Romantik) bruukt wude, is die Bass-Sink af Serpent. Ätters waas dät aal uutstuurwen, bit dät fon 1970 wier tou Lieuwend broacht wude. Däälich rakt dät wier Ljuude, do dät slonk spielje konnen un uk Ljuude, do bruukbeere Sinken näi häärstaale konnen.