Präteritopräsentia

Präteritopräsentia sunt Tiedwoude, wierfon dät Präsens (Geegenwoart) uut n fröier Präteritum (Fergeenhaid) äntsteen is. So skäl Seeltersk "hie weet" fon sin Indoeuropäiske Uursproang touhoopehongje mäd Latiensk "vidit" (dät hat: hie saach). Dät rakt Präteritopräsentia in masse ferskeedene Sproaken. In dät Seelterske sunt jo deer oun tou kannen, dät in dät Präsens 3.sg. dät -t failt, wüülst die Pluroal (Moortaal) ap -n uutgungt.

Präteritopräsentia in dät Seelterske un früünde Sproaken

Ferglieke t.B. dät Präteritopräsens konne mäd dät 'gewöönelke' Tiedwoud kanne:

hie kon_ 'er kann' - wie konneN 'wir können'

hie koanT 'er kennt' - wie kanne_ 'wir kennen'

Man ju glieke Foarm as dät Präsens fon konne häd dät Präteritum fon loope:

hie ron_ 'er lief' - wie ronneN 'wir liefen'.

Wie sjo dät in dät Düütske die Unnerskeed bloot deeran tou sjoon is, dät dät -t failt: er kann.

In dän Infinitiv blift ju Eendenge eenfach -e, as bie do uur Tiedwoude: Hie mai dät wül konne.

Aal do Seelterske Präteritopräsentia

Infinitiv	Präsens Sg. 3.	Präsens Pl.	Präteritum Sg. 3.	Partizip
duure	duur	duuren	doarste	doarst
konne	kon	konnen	kuude	kuud
moute	mout*	mouten	moaste	moast
muuge	mai	muugen	moate	moat
skälle	skäl	skällen	skuul	skould
wiete	weet*	wieten	wiste	wist
wolle	wol	wollen	wüül	wäild

. * bie mout un weet heert dät -t tou dän Woudstam

Uk in dät Noudfräiske sjucht me dät, t.B. Mooringer:

wale

wal

wan

wälj

wäljt