Plasmolyse

Plasmolyse is, wan me mäd n hypertonisk Buutenmedium (dät Plasmolytikum) dät Woater uute Vakuole fon ne Sälle lukt (Osmose), wierbie die ganse Protoplast skrämpt un sik fonne Sälwooge oulööst. Dät is oaber reversibel, truch Deplasmolyse kumt dät fluks wier in n Uurtoustand. Wan in n Experiment ju Plasmolyse foarsichtich uutfierd wäd, is dät uk nit skoadelk foar ju Sälle.

Bielden

Hier sunt mikroskopiske Bielden fon ne Epidermis fon Tradescantia discolor (fröier: Rhoeo discolor):

• 
  Hier fälle do Vakuolen (rosa) bolde ju ganse Sälle uut.
• 
  Hier wuude truch Plasmolyse dät Woater uut do Vakuolen leeken, do nu litjer sunt.

Literatuur

Günther Throm: GRUNDLAGEN DER BOTANIK 2. Auflage NIKOL-Verlag ISBN 13: 978-3-937872-61-2 ISBN 10: 3-937872-61-2