Organeum
Dät Organeum in Weener in dät aast-fräiske Reiderlound is n Kultuur- un Bildengssäntrum mäd n Museum foar Musikinstrumänte, foar allen Oargele. Dät wuud 1997 fon Harald Vogel gruundet un tjoond ju Äärfoarskenge fon ju noud-wääästdüütske Oargelloundskup. Siet 2002 is Winfried Dahlke die Laiter fon dät Organeum. Die aastfräiske Kultuurruum mäd ju Oargelloundskup Aastfräislound is aan fon do riekste Oargelloundskuppe fon ju Waareld mäd moor as 100 Instrumänte uut sjoogen Jierhunnerte. In dät Organeum stounde so'n 21 Musik-Instrumänte.
Dät Organeum was eerste n Iengjuchtenge fon ju Aastfräiske Loundskup un is siet 2006 n Instituut fon ju "Aastfräisloundstiftenge" fon ju Aastfräiske Loundskup, fon ju evangelsk-reformeerde St.-Georgs-Säärke in Weener un fon ju Stääd Weener. Dät Oargelsäntrum wäd uk stutsed truch dän "Förderkreis Organeum in Weener e.V.“. Sit fon dät Organeum is ne oolde Stäädvilla uut 1870 in ju Stääd Weener. Tichtebie in ju St.-Georgs-Säärke in Weener stound ne historiske "Arp-Schnitger-Oargel" uut 1710.
Truch ju Nouddüütske Oargelakademie sunt in Touhoopeoarbeid mäd dät Organeum in Weener do Oargele däälich ap ju ganse Waareld bekoand. Deer wäide jierelks Konzerte ferounstalted un dät rakt dät Festival "Musikalischer Sommer in Ostfriesland".
Dät Organeum kon besäiked wäide un der kon me uk ap ju Instrumänte spielje.
Sjuch uk
Beoarbaidje- Do Instrumänte fon dät Organeum (düütsk)
Ferbiendengen ätter buuten
Beoarbaidje- Liste fon do historiske Oargele in Aastfräislound (düütsk)
- Lieste fon do Oargele in dän Loundkring Aurk (düütsk)
- Lieste fon do Oargele in Oamde (düütsk)
- Lieste fon do Oargele in dän Loundkring Lier (düütsk)
- Lieste fon do Oargele in dän Loundkring Wittmund (düütsk)
Commons: Organeum Weener – Sammelenge fon Bielden, Filme un Heerdoatäie