Oolde Schwentine

Ju Oolde Schwentine häd hiere Wälle bie Bornhöved, fon wier ju truch dän Bornhöveder See, dän Schmalensee un dän Belauer See, ätters truch dän Stolper See un fääre noudelk truch dän Postsee bie Preetz dan läiweloa in ju (näie) Schwentine fljut.

Brääch uur ju Oolde Schwentine in Preetz (deer hat ju "Mühlenau")

Ju Oolde Schwentine hiet uurspröängelk eenfach bloot Schwentine. Truch n Fersäin fon dän Kartogroaph Caspar Danckwerth in 1652 wuude die aastelke Äi-Ierm, die fon dän Bungsbierich kumt, tou ju Haud-Äi ferkloort un drächt fon deer oun bit däälich däälich dän Noome "Schwentine". Ju Äi, ju in't Foaren Schwentine hiet, hat nu Oolde Schwentine un ousnitswiese uk Bornau, Depenau, Kührener Au, Postau un Mühlenau.