Nordfriisk Instituut
Dät Nordfriisk Instituut begon in dät Jier 1964 un wuude gruundet fon ferskeedene noudfräiske Organisatione. Siel fon dät Instituut in Bräist is dät unnerstöänen fon ju wietenskuppelke un pädagogiske Oarbaid foar ju fräiske Sproake, Skichte un Kultuur.
Ju fräiske Sproake, Literatuur, Skichte un Loundeskunde wäide fon dät Instituut ärfoarsket, un fon disse wietenskuppelke Oarbaid häd dät Instituut ferskeedene Publikationen uutroat. Dät Nordfriisk Instituut häd uk sien oaine Biblioteek mäd Archiv. Dät Instituut roat fjauermoal in et Jier dät Tiedskrift Nordfriesland uut un eenmoal in dät Jier ärskient dät Nordfriesische Jahrbuch.
Dät Instituut is politisk nit ouhongelk. Ju düütske of ju deenske Siede wäide nit foarluukt un dät Instituut kricht Jäild fon allebee do Stoate. Ju Fereen foar dät Nordfriisk Instituut is Meeglid in dän Fräisken Räid Sektion Noud.