Luchtfoartjuuch

Een Luchtfoartjuuch is een Reewe, ju in ju Lucht foare kon. Dät rakt deer gjucht ferskeedene Funktsjoonswiesen, do me groaf iendeele kon in Luchtfoartjuuge, do sweerer sunt as ju Lucht (Fljoogere, Hoochskruuwere) , un wäkke, do lichter sunt as Lucht (Ballone un Luchtskiepe).

Fergeenhaid

Bee do Ideen sunt aller, as me toankt.

Litje Skienfät-Ballone, do Kǒng-Míng-Skienfeete wuden al foar bolde twoduusend Jiere fon dän Chineesiske Politiker Zhūgě Liàng ärfuunen. Ju fäärme Ballonfoart mäd Moanskene an Boud waas in 1783, die groote Ballon waas fon do Bruure Mongolfier ärfuunen wuden.

In ju Theorie wuden al foar moorere hunnert Jiere Luchtfoartjuuge uuttoacht, do sweerer sunt as Lucht, t.B. fon Leonardo da Vinci, man bit dät funktjoonierde, duurde dät noch een Tied. Albrecht Ludwig Berblinger, bekoand as "die Snieder fon Ulm" stoalde al in 1811 aan Glied-Fljooger foar, die oaintelk funktsjoonierde, man as hie deermäd uur ju Donau fljooge skuul, geen dät nit, uumdät deer do Wiend-Ferhooldnisse läip sunt. Deeruum is hie bloot uutlaached wuden.

Loange Tied heelt me do Luchtskiepe foar ju Technik fon ju Toukumst, man däälich sunt do Fljoogere ap't wichtichste.

• 
  Heetlucht-Ballon fon do Bruure Mongolfier
• 
  Zeppelin NT ("Neuer Technologie")
• 
  Glied-Fljooger fon Albrecht Ludwig Berblinger
• 
  Aan moudeernen Fljooger