Kaiserstoul
Die Kaiserstoul (düütsk: Kaiserstuhl) is een litje, middelhooge Bierichloundskup fon vulkoanisken Uursproang. Ju roaget ap bit tou 556,6 u. NHN uur ju Bupperrhienske Läich-Ieuwene un lait in't Suudwääste fon Baden-Württembierich in do Loundkringe Emmendingen un Breisgau-Hoochswotwoold.
Die hoochste Bierich is die Doodenkop (Totenkopf) mäd 556,6 m. Die twäidhoochste is ju Äkkenespitse (Eichelspitze) mäd 521,3 m.
Do Bierge lääse in een fon do woormste Rebätte fon Düütsklound, sodät deer fuul Wien ounbaud wäd. Uk ap ju Fauna häd ju Woormte Ienfloud: So rakt dät junner een Forkuumen fon Iemenfreetere (Merops apiaster) un Aastelke Smaragd-Ässluupere (Lacerta viridis).