Hydrophilie

Hydrophilie (fon ooldgriechisk ὕδωρ hýdor „Woater“ un φίλος phílos „fjuund“ / „ljoof hääbend“)^[1] betjudt wasser ljoof hääbend, wät kwäd, dät aan Stof stäärk mäd Woater (of uurswäkke poloare Stoffe) wäkselwierket^[2] Dät Juundeel fon Hydrophilie hat Hydrophobie. Ätter IUPAC-Definition is ju Hydrophilie ju Solvatations-Tendenz fon een Molekül in Woater.^[3] Wan een Bupperflakte aiske stäärk woater-anluukend is, boalt me uk fon Superhydrophilie.

Oainskuppe

Hydrophile Substanzen sunt maasttieds woaterlooselk^[4] man dät rakt uk hydrophile Substanzen, do nit woaterlooselk sunt, t.B. wäkke Hydrogele^[5] of Colestipolhydrochlorid^[6]. Deeruum is hydrophil nit mäd woaterlooselk gliek tou sätten. Hydrophile Substanzen heere gewöönelk tou een fon do foulgjende Kategorien: Eerstens Soalte (Ionenferbiendengen) of twäidens poloare Substanzen, do sik in dät uk poloare Woater äntspreekend goud loosje läite.

Hydrophilie belukt sik bloot ap ju Wikselwierkenge mäd Woater un nit ap ju Looselkgaid un uk nit ap ju Fäidegaid, Woater heroun tou luuken un tou bienden. Aan Stof, die dät kon, wäd hygroskopisk naamd. Hydrophile Stoffe sunt oafter tou sälge Tied limnophob, loosje sik also läip in Fatte un Ouljen. Substanzen, do hydrophil un lipophil sunt, beteekent me as amphiphil; hier tälle biespilswiese Tenside tou. Amphiphilie is een spezielle Oainskup fon een Molekül, dät hydrophobe un hydrophile Funktjsoonelle Koppele drächt.

Uk Bupperflakten konnen hydrophil weese. Do sunt aaltied fon aan maasttieds nit sjuunelken Woaterfilm bedäkt. Do maaste Metalle sunt hydrophil, juust so uk Glääs-Bupperflakten. Hydrophile Bupperflakten hääbe juunuur Woater Kontaktwinkele nai bie 0°.

Sjuch uk

Hydrophobie

Wällen

Touminst groote Deele fon düssen Artikkel sunt uut ju düütske Wikipedia uursät.

Foutnooten

↑ Wilhelm Gemoll: Griechisch-Deutsches Schul- und Handwörterbuch. München/Wien 1965.
↑ Eintrag zu Hydrophilie. In: Römpp Online. Georg Thieme Verlag, ouruupen ap n 13. Juni 2014.
↑ Iendraach tou Hydrophilicity. In: IUPAC Compendium of Chemical Terminology (the “Gold Book”). doi:10.1351/goldbook.HT06963 Version: 2.3.3.
↑ Ouwoater-Lexikon ap www.wasser-wissen.de
↑ Abreicherung von CO2 aus CO2-H2-Gemischen mit aminfunktionalisierten Polymermembranen. Technologiereport (Online)
↑ Patent EP0580078: Hydrophilic groups containing poly(vinylamine) derivatives, process for their manufacture and use thereof as pharmaceutical compounds, substrates for active substances and foodstuff ingredients. Eepentelk moaked ap n 15. Oktober 1997, Ärfiender: Hoechst AG.

[1] Wilhelm Gemoll: Griechisch-Deutsches Schul- und Handwörterbuch. München/Wien 1965.

[2] Eintrag zu Hydrophilie. In: Römpp Online. Georg Thieme Verlag, ouruupen ap n 13. Juni 2014.

[3] Iendraach tou Hydrophilicity. In: IUPAC Compendium of Chemical Terminology (the “Gold Book”). doi:10.1351/goldbook.HT06963 Version: 2.3.3.

[4] Ouwoater-Lexikon ap www.wasser-wissen.de

[5] Abreicherung von CO2 aus CO2-H2-Gemischen mit aminfunktionalisierten Polymermembranen. Technologiereport (Online)

[6] Patent EP0580078: Hydrophilic groups containing poly(vinylamine) derivatives, process for their manufacture and use thereof as pharmaceutical compounds, substrates for active substances and foodstuff ingredients. Eepentelk moaked ap n 15. Oktober 1997, Ärfiender: Hoechst AG.

[1]

[2]

[3]

[4]

[5]

[6]