Guinness Rekordbouk

Dät Guinness Book of Records (uursät: Guinness Rekordbouk, in näiere Uutgoawen dät Guinness World Records Book naamd) is n jierelk hääruutroat Bouk mäd ne Samlenge fon internationoal anärkoande Rekorde, juust so goud uur moanskelke Laistengen as uur Uutersten in de Natuur.

N Biespilrekord: Suresh Joachim, eenige Minuten foar dät Breeken fon dät Waareldrekord Strieken mäd n Striekiersen (55 Uuren un 5 Minuten)

Ju eerste Uutgoawe wuud hääruutroat 1955, uuttoacht fon ju Guinness-Bjoueräi, anrääged fon ne Diskussion uur wäkke Fuugele ap gauste fljooge kuuden, ju der nit löösd wäide kuud mäd Bouke do der domoals tou koopjen wieren.

Do Doaten in dät Bouk wuuden sammeld fon Ross McWhirter un Norris McWhirter, do der tou ju Tied n Unnersäikengssteede hieden in Londen. As dät Bouk uunferwachted gouden Ärfoulch hiede, wuud dät ap Eende ne jierelke Uutgoawe. Do Twillingbruure McWhirter hääbe dät Bouk noch moonige Jiere ferlaid.

• Uurkunde uur Seelterlound as litste Sproakeninsel fon Europa.