Elvis Presley

Elvis Aaron Presley (8. Januoar 1935, Tupelo, Mississippi – 16. August 1977, Memphis, Tennessee) waas n amerikoansken Popsjunger un Tjooterspieler.

Elvis in 1970

Sien Juugend

Elvis Aaron Presley wuud bädden in een litjet Huus ap Saltillo Road in aastelk Tupelo. Hie is die jungere fon twäin Twillinge, man sin Bruur Jesse Garon koom dood tou Waareld. Jesse Garon wuude dän uur Dai begreeuwen ap dät Priceville Säärkhoaf in Tupelo. Elvis waas die Suun fon Vernon Elvis Presley un Gladys Love Smith; bee Oolden koomen uut een eenfachere Huuhollenge. Do Presleys lieuwden in Äärmoud; jo ferpouseden sik bloot as jo ätter Säärke geenen of ap Besäik geenen bie Fjuunde. Ju Familie geennen ätter Säärke bie ju First Assembly of God.

Ap n 3. Oktober 1945 noom die junge Elvis deel an n Talentwädstried ap ju jierelke Mississippi–Alabama Fair and Dairy Show. Hie eendede an ju twäide Steede. Deeruum dät sin Foar oafte fon Huus waas, kreech Elvis een stäärke Biendenge tou sien Määme. Ap n 8. Januoar 1946 kreech Elvis ap sin Bäidedai een Gitarre fon sien Oolden. Sin Oom Vester leerde him deerap tou spieljen. In ju Tied dät Elvis sien eerste Musiknooten spielde, koom sien Bääsje uk bie ju Famielje tou woonjen. Dät waas een Moage deertou, ju der mäd Ieten fäld wäide moaste. In ju Periode heerde Elvis oafte ferskeedene Soarten Musik. Do Presleys woonden tichtebie een swot Kwattier, un so kreech Elvis Kunde an do Blues. Man Elvis waas uk oafte tou fienden bie Säärkentjoonste. Aal dät hiede Ienfloud ap sien Musik. In n September 1948 ferlook ju Presley Famielje ätter Memphis; jo foonten deer ne tiedwiese Woonsteede. Elvis koom dan ap ju Humer Jr. High Schoule. 1949 kreegen do Presleys ne fääste Woonsteede, n Etagenwoonenge in Lauderdale Courts ap Winchester Avenue. Määme un Elvis noomen n Deeltied-Boantje uum dät aal tou betoaljen. Määme oarbaidede as Kellnerin un Elvis as Wachter in n Tjooter. Man deeruum dät Elvis bit leet in de Noacht oarbaidje moast, fäl hie ap ju Skoule oafte in Släip. Deeruum liet sien Määme him wier apheere mäd oarbaidjen. Elvis waas ap ju Skoule n biesunnneren Wänt. Sien Jäild roate hie uut an apfaalende Kloodere. Uk hiede hie säildsoam loange Hiere foar ju Tied. Ap ju Skoule wuud er taaged. Lukkelk kreech hie n Fjuund, die deer holp dät Naarjen tou stopjen. Delbert West wuud ap ju Wiese n Moat foar dät Lieuwend. Ap n 3 Juni 1953 moakede Elvis Abituur. Fluks dän uur Dai fäng hie oun bie Parker Machinists Shop.

Elvis in dän clip fon Jail House Rock

Die Begin

In n Suumer fon 1953 fäng ju Soangloopboan fon Elvis oun. Hie stapte binne bie ju SUN Memphis Recording Servis. Die Bedrieuw waas fon Sam Phillips. Hie noom two Läidere ap: ‘My happiness’ un ‘That’s when your heartaches begin’. Marion Keisker waas deerbie un ju ferwachtede wäil wät fon Elvis. Ju sätte n Paat fon do Läidere ap Beend un skreeuw sien Telefoonnuumer ap un sien Adrässe. In n September 1953 wikselde Elvis fon Oarbaid. Hie oarbbaidde kuute Tied bie Precision Tool, man steech al fluks uume ätter Crown Elecric. In n Januoar stapte Elvis wier binne bie ju Memphis Recording Studio Service. Hie noom `Casual love affair` un `I'll never stand in your way` ap. Hie hied doo uk sien eerste Träffen mäd Sam Phillips. Yn n Suumer fon 1954 noom Sam Kontakt ap mäd Elvis. Jo booden him n Kontrakt an. Elvis uud in Kontakt broacht mäd Scotty Moore un Bill Black. Ap n 5. Juni duukeden do Träi in n Studio oun.

Do fäärme Deege in dän Studio wüül dät nit goud slumpje. Ju Musik, ju do spielden, waas nit fernäierjend. Bit Elvis n poor Läidere wät gauer soang. Truch dät haagere Tempo äntstuud n näien Musikstil. Dät waas ne Miskenge fon swotte un wiete Musik. An n 19. Juli 1954 wuud de Single `That's allright` un `Blue moon of Kentucky` eepentelk uutbroacht. Dät eerste Konsert, wät jo roaten, wuud n grooten Ärfoulch. Dät Publikum wuud begäisterd.

Die Hööchtepunkt

Do geen dät gau mäd Elvis sin Loopboan. Hie träfde Colonel Tom Parker, die der as Hollounder gebooren waas un die der eegentelk Dries van Kuijk hiet. Die wuud ap n 15 August sin Manager un bleeuw foar sien ganse Lieuwend. Ap n 20. November teekent Elvis n Kontrakt foar 35.000 Dollar. Elvis wuud aal moor bekoand. Hie koom moorere Moale ap Fiersjoon. Ap n 6. April 1956, bie dät Läid ‘Hound Dog’ geenen aal Breemse loos. Aal Ljuude in dät ganse Lound saagen do berüümde Huftebewäägengen fon Elvis. Do maaste junge Ljuude foonten dät gewaltich, man foar Allere waas dät ne Skonde. Dät roate sogoar Priestere do der n Banflouk uutsprieken. Dät heelt Elvis nit deerfon ou, mäd Film ountoufangen. An n 23. August 1956 noom er dän Film: `Love me Tender` ap. Dät waas die Begin fon ne ganse Riege Filme.

Graceland

In n Meerte 1957 koopede Elvis Graceland. In ju Periode kreech Elvis n Aproup foar dän Militärtjoonst. Dät gefäl dän Elvis heel un aal nit. Hie hied Nood, dät sun Unnerbreekenge die Eende fon sin Loopboan weese skuul. Man hie moaste daach. Hie wuud dan Suldoat Nuumer 53310761. In n August wuud sien Määme kroanke. Hie kreech Sunneruurloof un bleeuw twäin Deege bie sien Määme, bit dät hier wier wät beeter geen. Dan geen Elvis ätter Graceland uum wät uut tou räästjen, man ju Noacht stoorf sien Määme, in n Oaler fon 46 Jiere. Ätter dät Deelbjoor moast Elvis wier ätter dät Militär. Kuut deerätter wuud bekoand roat, dät Elvis fersät wuude ätter Düütsklound. In Düütsklound träfde hie Priscilla Ann Beaulieu, ju der ieuwen 14 Jiere oold waas. Daach moakede dät Wucht n grooten Iendruk ap him. Soogen Jiere leeter fräigede hie hier toun Hilk un ju kwad “jee”. An n 1 Moai 1967 hilkeden do. Intwiske koopede Elvis n Ranch juust uur dät Skeed fon Mississippi, man bloot eenige Kilomeetere fon Graceland oawe. Hie koopede dän Ranch, so dät er sien näie Ljohääberäi uutäiwe kuude: Hoangsteriede. An n 1. Februoar 1968 kreegen jo n Dochter, ju der Lisa Marie Presley naamd wuude.

Comeback

Elvis hied al moor as oachte Jiere nit moor ‘live’ aptreeden. Hie hied dan uk mäd do Näärwen, as tou n eersten Moal wier aptreede moaste. Sien eerste Aptreeden waas ap ju N.B.C. un dät waas n grooten Ärfoulch. Elvis waas wier gans deer. In Tied fon fjauer Wieke roate hie 57 Konserte. Elvis hied dän eene Ärfoulch ätter de uur. Man dät Hilk mäd Pricilla waas nit moor wät dät weesen waas. Ju wüül skeede.

Die Eend kumt

Eende Oktober 1973 wuud Elvis apnuumen in dät Kroankenhuus fon Memphis. Hie hied Lungenfjuuregaid un n swollenen tjukken Tierm un deerbie koom: hie hied uk noch Hepatitis. In n Jannuoar 1975 wuud Elvis wier apnuumen, ditmoal foar Probleme mäd sien Lieuwer. In ju Twisketied wuud Elvis uk noch apnuumen, deeruum dät hie heel truchtroald waas.

In n grooten Gong flooch Elvis fon Stoat tou Stoat un fersuurgede aal Mounde moorere Duts fon Konserte. Dät Bruuken fon ounreegjende Middele waas foar Elvis gans gewöönelk, hie waas do Medizine ferfaalen. Elvis sliep oafte deeges, ätterdät hie n Släipmiddel iennuumen hiede. Un as hie dan wier apwoakede (wierfoar hie uk wier Medizine ferwoande), dan eet hie sik gjucht sääd mäd fat Ieten. Maaste Tied wieren do Deege foar Elvis in disse Periode nit moor as in sien Boademoantel uumeloope, ap Klo sitte un religiöse Bouke leese. In Twiskentied roate er Apdraach, Konserte tou organisierjen. Bloot toun Aptreeden geen hie noch fon Huus.

Sin Dood

Elvis sien Grääf ap Graceland.

Elvis stoorf dän 16. August 1977 in Memphis an Haatlieden, so wuud kweeden. Man bie leetere Autopsie koom hääruut, dät in dät Lieuwend Spuuren siten fon ferskeeden Medizien, so dät hie weerskienelk stuurwen waas an een Uurdosis.

Ätter sin Dood

Elvis wuud eerste begreeuwen in n Familien-Mausoleum ap Forest Hill Cemetery, man ätter n Äntfierengsfersäik wuuden sien Lieuw un die fon sien Määme ätter Graceland broacht. Elvis sien Grääf waas al bolde n Waalfoartssteede. In dät Jier 1982 is Graceland eepenstoald foar dät Publikum. Aal Jiere kuume deer uur 600.000 Ljuude ap Besäik. 2006 is Graceland fon de amerikoanske Behöörde naamd tou National Landmark.

Fieuwuntwintich Jiere ätter sin Dood stuude ju Musik, ju Elvis moakede, noch altied fon Interesse. Ju Nuumer "A litte les conversation" kreech fon Junkie XL ne Näiuutfierenge. In groote Paate fon de Waareld stuud dät as Eerste ap do Hitliesten.

Diskografie

Albums mäd ne Hitnotierenge in ju Holloundske Album Top-20/50/100
Tittel	Doatum fon uutbrangen	Doatum fon binnekuumen	Hööchste  Steede	Antaal  Wieke	Bemäärkenge
Almost in love		9-1-1971	43	6
Elvis forever		19-10-1974	1	49
40 greatest hits		4-10-1975	6	28
Moody blue		23-7-1977	6	17
20 fantastic hits		3-9-1977	7	12
A portrait in music		3-9-1977	12	11
In concert		29-10-1977	13	11
Love songs		12-1-1980	18	12
Gospels		24-1-1981	12	10
Guitar man		7-3-1981	19	9
Elvis in Hollywood		28-8-1982	30	5
18 classic love songs		8-2-1986	38	10
The definitive rock 'n roll album		29-8-1987	31	7
The definitive gospel album		5-9-1987	64	4
The definitive country album		5-9-1987	46	4
The definitive love album		5-9-1987	23	7
The essential collection		17-9-1994	14	30
Elvis '56		11-5-1996	51	4
Always Elvis - the Dutch album		19-7-1997	2	18
Platinum (A life in music)		26-7-1997	23	10
Elvis by the Presleys		4-6-2005	52	2

Singles mäd Hitnotierengen in fröiere Hit-Liesten
Titel	Doatum fon uutbrangen	Doatum fon  binnekuumen	Hööchste  Steede	Antaal  Notierengen  (M=Mounden)	Bemäärkengen
One night		4-1959	7	2M
(Now and then there's) A fool such as I		7-1959	15	1M
A big hunk o'love		10-1959	15	1M
Stuck on you		6-1960	10	3M
It's now or never (O sole mio)		10-1960	2	5M
Are you lonesome tonight		1-1961	4	4M
Wooden heart (Muss I denn)		2-1961	1	6M
Surrender		5-1961	3	4M
I feel so bad		8-1961	13	2M
Little sister / (Marie's the name) His latest flame		10-1961	8	5M
Can't help falling in love		3-1962	11	3M
No more		6-1962	26	1M
Good luck charm		6-1962	2	5M
Follow that dream (EP)		7-1962	17	1M
She's not you		11-1962	5	4M
Return to sender		12-1962	5	5M
One broken heart for sale		4-1963	16	2M
Kiss me quick		7-1963	12	4M
(You're the) Devil in disguise		9-1963	1	5M
Bossa nova baby		30-11-1963	8	1
Mexico		7-3-1964	9	2
	re-entry	2-5-1964	37	6
Viva Las Vegas		2-5-1964	18	12
Suspicion		30-5-1964	9	12
Kissin' cousins		11-7-1964	15	14
Such a night		8-8-1964	13	14
Ain't that loving you		14-11-1964	23	6

Singles mei in hitnoteringen yn de Nederlânske Top 40
Titel	Datum fan útbringen	Datum fan binnenkomst	Heechste  posysje	Oantal  wiken	Opmerkingen
Do the clam		3-4-1965	30	5
Crying in the chapel		19-6-1965	13	11
Easy question		7-8-1965	37	2
Love letters		30-7-1966	25	5
Guitar man		30-3-1968	tip
	re-entry	14-3-1981	tip
Stay away / U.S. male		20-4-1968	37	2
In the ghetto		21-6-1969	4	15
Clean up your own backyard		6-9-1969	tip
Suspicious minds		25-10-1969	6	11
Don't cry daddy		24-1-1970	23	6
Kentucky rain		7-3-1970	tip
You don't have to say you love me		14-11-1970	tip
I just can't help believin'		22-1-1972	4	11
Burning love		25-11-1972	19	5
Separate ways		3-2-1973	tip
Jailhouse rock		19-1-1974	5	9
Hound dog		30-3-1974	tip
My boy		4-1-1975	9	8
T.R.O.U.B.L.E.		24-5-1975	tip
Hurt		8-5-1976	tip
Moody blue		22-1-1977	14	7
Wooden heart (Muss I denn)	re-release	3-9-1977	2	11
Way down		24-9-1977	9	8
My way		17-12-1977	24	4
Are you lonesome tonight (live)		10-1-1981	15	7
	re-entry	24-8-1991	tip
Heartbreak hotel		29-8-1987	tip
Love me tender		9-3-1991	tip
Always on my mind		2-8-1997	15	6
Rubberneckin'		27-9-2003	9	6	mei Paul Oakenfold
All shook up		22-1-2005	33	2
One night	re-release	22-1-2005	30	2
(Now and then there's) A fool such as I	re-release	29-1-2005	34	2

Filmografie

• Love Me Tender (1956)
• Loving You (1957)
• Jailhouse Rock (1957)
• King Creole (1958)
• G.I. Blues (1960)
• Flaming Star (1960)
• Wild In The Country (1961)
• Blue Hawaii (1961)
• Follow That Dream (1962)
• Kid Galahad (1962)
• Girls! Girls! Girls! (1962)
• It Happened At The World's Fair (1963)
• Fun In Acapulco (1963)
• Kissin' Cousins (1964)
• Viva Las Vegas (Love in Las Vegas) (1964)
• Roustabout (1964)
• Girl Happy (1965)
• Tickle Me (1965)
• Harum Scarum (Harem Holiday) (1965)
• Frankie and Johnny (1966)
• Paradise, Hawaiian Style (1966)
• Spinout (California Holiday) (1966)
• Easy Come, Easy Go (1967)
• Double Trouble (1967)
• Clambake (1967)
• Stay Away, Joe (1968)
• Speedway (film) (1968)
• Live A Little, Love A Little (1968)
• Charro! (1969)
• The Trouble With Girls (And how to get into it) (1969)
• Change Of Habit (1969)
• Elvis: That's The Way It Is (1970)
• Elvis On Tour (1972)