Elektrolytiske Kondensatore

Kondensatore rakt dät in allerhound Soarten, maast naamd ätter ju Isolation: keramiske, Mika, Folie usw. Truch Metal un Isolation ap tou ruljen kon oafte ne groote Kapazität in ne litje Rulle.

Biespiele fon Elkos. Do apdrukte Pielere wiese ätter dän negative Pool

Ne besunnere Soarte sunt doo elektrolytiske Kondensatore (Elko, dt. Elektrolytkondensatoren). Do bestounde in Prinzip uut twoo Aluminium Platten in ne woaterge Masse, die Elektrolyt. Sät me deer nu ne Sponnenge ap, dan äntstoant ap een fon do Aluminium Platten ne gjucht tänne Loage Aluminium-Oxid, dät n gjucht gouden un stäärken Isolator is. Ap ju Wiese konnen gjucht groote Kapazitäte beloanged wäide.

Ap n Elko is altied ju Plus-Kaante ounroat, oafte mäd n Ring. Ju Polarität duur NIT UUMEKIERD wäide, dan dan gungt die Elko stukken. Buutendät schäl deer foarallen bie Elkos ap oachted wäide, dät ju anbroachte Sponnenge nit buppe dän ounroaten Hoochst-Wäid kumt.

Ferbiendengen

 Commons: Elektrolytkondensatoren – Mediendoatäie

• Elektrolytkondensatoren – Gruundlagen uut „das ELKO“
• Polarisierde Elektrolytkondensatore foar Wikselsponnenge un inverse Glieksponnenge
• FARADNET, „Bolde alles uur Kondensatore“ (ängelsk)