Claude Monet

Claude Monet (bädden ap dän 14. November 1840 in Paris as Oscar-Claude Monet; stuurwen ap dän 5. Dezember 1926 in Giverny) waas aan Moaler uut Frankriek. Sien ädder Wierk gjuchtet sik ätter dän Realismus, man dät wonnelde sik moor un moor ätter dän Impressionismus, sodät Claude Monet däälich as Impressionist bekoand is. Monet sien Skilleroatsje "Impression, riesende Sunne" roate dän Impressionismus uurigens sin Noome. Monet is uk bekoand foar sin Tuun, dän hie säärm bääte sien Huus in Giverny ounlaid häd, deerfon hie uk eenige Skilleroatsjen moald häd.

Säärmportrait fon Claude Monet

Biespil-Wierke

• 
  "Camille in't gräine Klood"
  Skilleroatsje fon 1866, deerap Monet sien leetere Wieuwmoanske moald häd.
• 
  "Impression, riesende Sunne"
  Skilleroatsje fon 1872, deerap Monet dän Hoawen fon Le Havre moald häd.
• 
  "Boanhoaf Saint Lazare in Paris, Ounkumst fon aan Toach"
  Skilleroatsje fon 1877, deerap Monet aan Boanhoaf moald häd.
• 
  "Tuunwai"
  Skilleroatsje fon 1902, deerap Monet aan Wai in sin Tuun in Giverny moald häd.