Cajun-Musik

Ju Cajun-Musik is n Musikstiel, die fon do 1755 uut Kanada ferdrieuwene Akadier (Frantsoosen) ätter Louisiana broacht wude. Dät is uursproangelk Foulksmusik uut Frankriek. Ju moanskelke Stämme waas dät wichtichste Instrument, man deerieuwenske wuud klatsked, tikked un rattersked mäd do Hounden, mäd Lätsen, mäd Waaskbreede un wät et man roate. Jo bruukten uk sälwen moakede Instrumente, do der ätter een Fjoole lieten. Fon hiere Noabere in Kanada koomen deer uk ängelske un keltiske Ienfloude oane un leeter in Louisiana uk Jazz, Blues un Soul. Man ap ju uur Siede koom uk ju bie Jazz ferbeedene Kwätskeboode in Bruuk un noch däälich spielje Harmonikas un Akkordeone een groote Rulle.

Aptreeden fon ju Band Le Clou in Mönchen-Gladbach, 2007

Klik hier foar moor touheerige Mediendoatäie ap Wikimedia Commons.

Ferbiendengen ätter buuten

• http://www.schwarzaufweiss.de/cajun/musik.htm
• http://npmusic.org/artists.html Cajun music mp3
• https://web.archive.org/web/20071218214252/http://www.accordionman.net/CAJUN/ Cajun MIDI