Afrikoansk
(Fäärelaited fon Afrikaans)
Afrikoansk (Afrikaans) is ju Sproake fon do Holloundske un Platdüütske Siedler siet 1652 in Suud-Afrikoa. Ju lät maast ap Holloundsk, man fuul Woude sunt oukuuted un hääbe oaft n uuren Kloang kriegen. Foar Hollounder is ju Sproake nit stuur tou ferstounden.
Ju Beegenge fon do Tiedwoude is gans eenfach wuuden:
- ek kom - iek kuume
- ek het gekom - iek koom; iek bän keemen
Afrikoansk wäd boald fon 6 Milionen Ljuude as Määmesproake un fon 10 Milionen Ljuude as twäide Sproake. 59% fon do Wiete un 79% fon do Faawige in Suud-Arikoa baale Afrikoansk as Määmesproake. Afrikoansk is uk ju Ferkierssproake in dät noudelke Noaberlound Namibia.
Fon dät Afrikoanske rakt dät träi Dialekte.
Wäkke Woude
Beoarbaidje| AFRIKOANSK | HOLLOUNDSK | SEELTERSK | AFRIKOANSK | HOLLOUNDSK | SEELTERSK | |
|---|---|---|---|---|---|---|
| vir | voor | foar | vry | vrij | fräi | |
| my | mijn | mien; min | lughawe | luchthaven | Lufthoawen | |
| skool | school | Skoule | sleg | slecht | sljucht, läip | |
| eggenoot | echtgenoot | Moanske of Käärel | saam | samen | touhoope | |
| aksie | actie | Aktion | voël | vogel | Fuugel | |
| asseblief | alstublieft | 'bitte' | goeienaand | goedenavond | gouden Äiwend | |
| oop | open | eepen | oormôre | overmorgen | uutenemäiden |
Düsse Sproake häd ne oaine Wikipedia: Afrikoansk