29. Februoar
In Skaltjiere wäd die Februoar uum aan Skaltddai ferloangerd. Deer kumt dät fon, dät düsse Jiere aan njuugenuntwintichsten Februoar hääbe, die dan die 60. Dai fon dän Gregorioansken Kalänner is, wiertruch noch 306 Deege bit tou dät Eende fon't Jier blieuwe.
In dän Roomsken Kalänner waas die Februarius uurspröängelk dät lääste Mound, un deeruum uk dät Mound, wier do Skaltdeege bietouföiged wuuden sunt. Man die wuddelke Skaltdai in dän gregorioansken Kalänner in roomske Tälwiese is deerbie, as in dän Julioansken Kalänner aan ätter dän 23. Februoar ienskäuwenen 24. Februoar. Düt waas in dän Fäästkalänner fon ju Roomsk-kathoolske Säärke noch bit tou ju Näioardenge fon't Särkenjier in 1969 deer oun tou sjoon, dät dät Fääst fon dän Hilligen Matthias, dät aaltied ap dän 24. Februoar fierd wuude, in Skaltjiere ap dän 25. Februoar ferskäuwen wuude. Ju Evangeelske Säärke in Düütsklound häd düsse Räägel beheelden.
Do däälich räägelmäitige Skaltdeege rakt dät, sänt Poabst Gregor XIII. in een poabstelke Bulle ap dän 24. Februoar 1582 ju Striekenge fon tjoon aploopene Skaltdeege ounoardende. Fon do oun sunt aal do Jiere, wier ju Toal sunner Räst truch fjauer deeld wäide konnen, Skaltjiere, mäd Uutnoame fon do Jierstoale, do sunner Räst truch 400 deeld wäide konnen, also 1700, 1800, 1900. Deerjuun wieren 1600 un 2000 Skaltjiere. Analog wäide 2100, 2200 un 2500 neen Skaltjiere, man 2400 wäd n Skaltjier.
Foarfaale
Beoarbaidje- 1996: Moor as two Mounde ätter Unnerteekenge fon dät Oukuumen fon Dayton eendet ju Beleegerenge fon Sarajevo, ju loangste Beleegerenge fon't twintichste Jierhunnert. Sarajevo is 1425 Deege loang beleegerd wuuden.
Tou Waareld keemen
Beoarbaidje- 1468: Paul III., Poabst
- 1940: Hideo Ochi, japoansken Karateka
- 1988: Benedikt Höwedes, düütsken Foutbaaler