2. Februoar

Die twäide Februoar is die 33. Dai fon dän Gregorioansken Kalänner, somäd blieuwe noch 332 (of in Skaltjiere 333) Deege bit tou dät Eende fon't Jier tou. Uumdät die twäide Februoar (in ju Wäästsäärke) die fjautichste Dai fon ju Wienoachtstied is, wäd ap düssen Dai Ljoachtmisse fierd.

Foarfaale

962: Die Liudolfinger Otto I. un sien Wieuwmoanske Adelheid wäide in Room truch Poabst Johannes XII. as Kaiser un Kaiserske kround. Düt Geböärnis jält däälich as Gruundengs-Doatum fon't Hillige Roomske Riek, wier oane dät Roomske Riek in'n Sin fon ju Translatio imperii fääre bestounde skuul.
1119: Guido, Suun fon dän Groaf Wülm fon Burgund, wäd as Ätterfoulger fon Gelasius II. as Poabst kädden un nimt dän Noome Calixtus II. oun.
1194: Richard Leeuwenhaat wäd uut sien Fangenskup ap ju Buurich Trifels ätter ju Betoalenge fon n Hooch Loosejäild un ju Laistenge fon aan feudoalen Eed ap dän Rieksdai in Mainz fräilät.
1536: Unner ju Uppermonskup fon Pedro de Mendoza wäd Buenos Aires gruunded, dät däälich ju Haudstääd fon Argentinien is. Ju Stääd wäd ätter n poor Jiere fon Indioanere fernäild un mout in 1580 näi gruunded wäide.
1831: Kardinoal Bartolomeo Alberto Cappellari wäd ätter een Konklave fon 54 Deege foar'n Poabst kädden un nimt dän Noome Gregor XVI. oun. Hie waas bit nu tou (Stound 2023) die lääste Poabst, die noch naan Biskop waas, as hie kädden wuude.
1848: Dät Eende fon dän Mexikoansk-Amerikoansken Kriech brangt in dän Free-Ferdraach fon Guadalupe Hidalgo do Fereende Stoaten fon Amerikoa masse näi Lound in't Wääste, dät in't Foaren tou Mexiko heerd hiede. Dät honnelt sik uum Rebätte, do däälich do US-Buundesstoaten Arizona, Kalifornien, Nevada, Utah un Deele fon Colorado, New Mexico un Wyoming uumfoatje. Buppedät akzeptiert Mexiko dän Río Bravo del Norte (uk: Rio Grande) as Skeed tou Texas.
1943: Do Düütske ferljoose ju Slacht fon Stalingrad juun ju Sowjetunion.

Tou Waareld keemen

1649: Benedikt XIII. (Poabst)
1913: Masanobu Fukuoka, japoansken Mikrobiologe un Buur
1959: Hella von Sinnen, düütske Wiedkieker-Moderatoorinne, Komikerske un Synchron-Baalerske
1970: Anton Hofreiter, düütsken Politiker (Buundnis 90 / Do Gräine)

Stuurwen

1769: Clemens XIII., Poabst