Seedelsbierich-Kolonie
Seedelsbierich-Kolonie is ne Buurskup fon Seedelsbierich.
Loage Beoarbaidje
Ju Kolonie lait in dän Aastfoan, aastelk fon Seedelsbierich. In dät Aaste lait Swonnebierich, Meente Ait.
Geskichte Beoarbaidje
Ätter 1925 wuude truch dän Aastfoan fon Seedelsbierich bit tou Swonnebierich n Soundwai baud. Deertou wuude dän Sound fon do Soundhöäwele, so as dän Rodebierich ap Näiwal un dän Muddebierich in Seedelsbierich mäd n Foan-Iersenboan deer wai fierd un bit ne Djüpte fon 2 m foar dän näie Soundwai un do Huussteeden bruukt.
Do Siedlere fon ju näie Koloniesträite koomen uut dät Ooldenburger Lound un dät Oamselound. Dät Gründengsjier fon ju Koloniesträite waas 1927. Ätter 1927 sünt do eerste Siedlere ätter ju Koloniesträite in Seedelsbierich wai leeken. Die eerste Siedler an ju näie Koloniesträite waas ju Familie fon dän Bernard Horstmann uut Angelbeck bie Löningen. Sowät bit tou 1935 is ju ganse Koloniesträite dan besiedeld wuuden.
Do Siedlere hääbe dät dan bie ju Kultivierenge fon dän wäite Foangruund läip stuur häiwed.
Ju eerste Klinkersträite wuud 1937 baud, fon 1939-1942 kreegen do Huuse elektrisken Strom un 1965 ju eepenbeere Woaterlaitenge.
Noodsäärke Beoarbaidje
Fon 1929 bit 1936 stuud ju Noodsäärke fon ju katoolske Säärkenmeente Seedelsbierich an ju Koloniesträite. 1936 wuud ju näie Säärke in dät Täärp baud.
Literatuur Beoarbaidje
- 75 Jahre Koloniestraße, 2002
<gallery> Bielde:Koloniestraße.jpg| Ju Koloniesträite uum 1960
</gallery)>
| |
|---|---|
|
Täärpe | |