Carl Spitzweg

düütsken Moaler

Carl Spitzweg (mongs uk: Karl Spitzweg; bädden ap dän 5. Februoar 1808 in Unterpfaffenhofen; stuurwen ap dän 23. September 1885 in München) waas aan düütsken Moaler uut dät Njuugentienste Jierhunnert. Hie waas aan rieken Mon un kuude sik dät laistje, tou moaljen, sunner Bielden tou ferkoopjen un ju Moalerkunst hiede hie sik maast säärm biebroacht. Hie gjuchtede sik also nit ätter Koastere un uk nit ätter do Wonske fon Kunden, deeruum häd hie aan gjucht oainen Stil. Mongs wäd hie dät Biedermeier touoarderd (aan Stil, die ju Idylle fon dät Burgerdum beswoor), man dät paaset uk nit so gjucht, uumdät Carl Spitzweg dät Burgerdum un sien Idylle nit säilden in sien Bielden ferspotede - aaldät hie deer säärm tou heerde. Spitzweg sien Kunst is ful fon Wit un Spot, me kon fuul fon sien Bielden as karikatuurenhaftich beteekenje.

Säärm-Portrait fon Carl Spitzweg

Ieuwenske ju Moalerkunst befoatede hie sik uk mäd Dichtenge.

Biespil-Wierke Beoarbaidje